Fəvvarələr meydanı, Nizami küçəsi və ona bitişik küçələr səhərdən gücləndirilmiş polis dəstələrinin nəzarətinə götürülüb. Səbəb saat 15:00-da gənclərin İsmayıllıda etirazları dəstəkləyən aksiya keçirməsinin gözlənilməsidir.
Etiraz aksiyasının keçirilməsinin təşəbbüsçüsü gənc müxalifət fəallarıdır. Onlar gəncləri küçələrə çıxaraq İsmayıllı sakinlərinin tələbləri ilə həmrəy olmağa çağırıblar. Mitinqin keçirilməsinə çağırış sosial şəbəkələrdə yayımlanıb və 4,5 min adam dəstəkləyib.
Öz növbəsində DİN mətbuat xidməti rəhbərinin müavini Ehsan Zahidov Turan-a bildirib ki, icazəsiz aksiyanın qarşısı alınacaq. -02B-
Cəmiyyət
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
-
Azərbaycan 9 yanvarda əsasən quraq hava şəraiti ilə qarşılaşacaq. Bu barədə Milli Hidrometeorologiya Xidməti məlumat yayıb.
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
Rəy yaz