Cümə günü Moskvada Rusiya azərbaycanlılarının federal milli-mədəni muxtariyyətinin (AzərRos FMMM) V qurultayı keçirilib. Bu qurumun rəsmi Bakıya həm alternativ, həm də müxalifət qurumu kimi qəbul olunması ilə əlaqədar Bakıda qurultay diqqət mərkəzində olub. Bundan əlavə, AzərRos-un prezidenti Söyün Sadıqov siyasi fəaliyyətlə məşğul olduğunu bəyan edib və Rusiya prezidenti Putinin müvəkkil şəxsi təyin edilib. O həmçinin rəsmi Bakının, əsasən də Diasporla İş üzrə Dövlət Komitəsinin ünvanına kəskin ittihamlarla çıxış edib.
Azərros-un Kremlin nəzarətinə keçməsi və onun təşəbbüsü ilə Rusiyada ən zəngin azərbaycanlıların toplantısı - “Milyarderlər İttifaqı”nın yaradılması barədə Azərbaycan rəsmilərinin və KİV-in ittihamları ilə vəziyyət gərginləşib.
Çoxları güman edirdi ki, qurultayda Abbas Abbasov (Azərbaycanın baş nazirinin keçmiş birinci müavini) AzərRos-un yeni prezidenti seçiləcək. Bur müddət öncə o, Bakıya gələrək İlham Əliyevlə görüşüb. Lakin A.Abbasov Ağsaqqallar Şurasının rəhbəri seçilib.
Təşkilatın nizamnaməsinə edilən dəyişikliklərə uyğun olaraq, prezidentin səlahiyyətləri azaldılıb, icra funksiyaları Ağsaqqallar Şurasına verilib.
Öz növbəsində Ağsaqqallar Şurası FMMM-in yeni prezidenti postuna Asif Məhərrəmovu tövsiyə edib və təsdiqləyib.
Bəzi KİV-in məlumatına görə, qurultay zamanı A.Abbasov rəsmi Bakının digər opponenti – Rüstəm İbrahimbəyovun mövqeyini dəstəkləyib.
S.Sadıqovun taleyinin necə olacağını söyləmək çətindir, lakin bundan əvvəl o, siyasi partiya yaratmaq barədə planlarını açıqlamışdı. -02B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz