Photo TURAN.
Bakı/22.06.22/Turan: İyunun 22-də bir qrup inanclı qadın Prezident Administrasiyasının binası qarşısında etiraz aksiyası keçirməyə cəhd edib. Onlar mayın 20-də saxlanılan bir qrup dindarın hüquq-mühafizə orqanlarında dindirilməsi zamanı Allahı təhqir edən şəxslərin cəzalandırılmasını tələb ediblər.
Amma polis əməkdaşları birlikdə dövlət başçısının administrasiyasına getmək üçün metronun "İçəri şəhər" stansiyasının qarşısında toplaşan qadınların yolunu kəsib.
Polis zabiti qadınlara Prezident Administrasiyasının Nərimanov rayonunda yerləşən qəbul şöbəsinə nümayəndə göndərməyi tövsiyə edib. Bu zaman o, "Allahın təhqir edilməsi haqqında məlumatın saxta olduğunu" bildirib.
Bu, etirazçıları qane etməyib, onlar polisin Allahı təhqir etməməsi haqqında iddiasına qəzəbləniblər.
"Üç həftəyə yaxındır ki, qardaşlarımız həbsxanalarda aclıq edir, amma bu məsələyə heç bir reaksiya yoxdur. Biz artıq Prezident Administrasiyasının qəbul şöbəsində olmuşuq, bunun da heç bir nəticəsi olmayıb", deyə etirazçılardan biri bildirib.
Digər qadın deyib ki, "hakimiyyət dövlət və dinin vəhdətinə nail olmaq istəyirsə, günahsız olaraq həbs edilmiş bütün inanclı şəxsləri azad etməlidir".
"Oğlum 19 gündür həbsxanada aclıq edir. Onun temperaturu düşmür. Özünü çox pis hiss edir. Allahı təhqir edənləri cəzalandırsınlar və oğullarımız aclığı dayandırsın", deyə Allahı təhqir edənlərin cəzalandırılması tələbi ilə ilk olaraq aclığa başlayan "Müsəlman Birliyi" Hərəkatının lideri Taleh Bağırzadənin anası bildirib.
Polis aksiya iştirakçılarını sıxışdıraraq metronun "İçəri şəhər" stansiyasının içərisinə salıb. Oradan qadınlar Prezident Administrasiyasının Nərimanov rayonundakı qəbul şöbəsinə yollanıblar.
Xatırladaq ki, Taleh Bağırzadə iyunun 3-də hüquq-mühafizə orqanlarının əməkdaşlarının Allahı təhqir etməsinə etiraz əlaməti olaraq aclığa başlayıb. Həbsxanalarda onlarla məhbus və azadlıqda olan bir neçə şəxs aclıq aksiyasını dəstəkləyib.
DİN polislərin Allahı təhqir etməsi faktını təkzib edir və bu barədə iddiaları yalan adlandırır. 06B
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz