Bu gün prezident İlham Əliyevin doğum günü ilə əlaqədar Sumqayıt şəhər icra hakimiyyətinin qarşısındakı Bayraq Meydanında Sumqayıt sakinləri üçün 51 metr uzunluğunda tort hazırlanıb. Sumqayıt İH-nin İctimai-siyasi və humanitar məsələlər şöbəsinin rəhbəri Seyfəddin Rəhimov bir qrup jurnalistə çəkiliş üçün icazə versə də, sonradan çəkiliş aparmağa qadağa qoyub. O, tədbirə gələn yerli kanallar və agentliklərlərə çəkiliş üçün şərait yaratsa da, Turan İnformasiya Agentliyinin və Azadlıq radiosunun müxbirlərinin çəkiliş aparmasına imkan verməyib. “Bu jurnalistlər lazımsız çəkilişlər apararaq cəmiyyətdə pis fikir oyadırlar”, deyə o jurnalistlərə bildirib. Bundan sonra jurnalistləri ərazidən uzaqlaşdırmaq üçün ərazi polisinə müvafiq göştərişlər verib.
Qeyd edək ki, tortun ətrafında toplaşan insanların bir-birini itələdiyi və ya söydüyü foto və videoçəkilişlər hakimiyyəti qıcıqlandırır. Həmçinin, İnternet oxucularının Sumqayıt meri Eldar Əzizovun bu təşəbbüsü ilə bağlı şərhləri də hakimiyyətin xoşuna gəlmir. -0-
Cəmiyyət
-
BMT-nin 11-22 noyabrda Bakıda keçiriləcək iqlim konfransı (COP29) ərəfəsində Bakıya Çin istehsalı olan elektrik mühərrikli 160 avtobus gətirilib. Rəsmi məlumata görə, onlar üçün bütün lazımi cihaz və avadanlıqları olan avtobus parkı da yaradılıb. Noyabrın 2-də prezident İlham Əliyev həmin avtobus parkına baxış da keçirib.
-
2-3 noyabr tarixlərində Azərbaycan-İran sərhədində "Göytəpə" sərhəd dəstəsinin xidməti ərazisində ümumi çəkisi 16 kiloqram 220 qram narkotik vasitənin - marixuana, həşiş və heroinin qaçaqmalçılıq yolu ilə İrandan Azərbaycana keçirilməsinin qarşısı alınıb.
-
Çərşənbə axşamı günün ikinci yarısında paytaxtda yağış yağacağı gözlənilir. Cənub-şərq küləyi günün ikinci yarısında güclü şimal-qərb küləyi ilə əvəz olunacaq.
-
Azərbaycanın Dövlət Yol Polisi İdarəsi, ölkənin COP29 sammitinə ev sahibliyi etməyə hazırlaşdığı bir vaxtda, yol hərəkətinin sıxlığının azaldılması üçün ictimaiyyətdən əməkdaşlıq etməyə çağırış edib. Noyabrın ilk ongünlüyündən başlayaraq, paytaxt qlobal konfransa qatılacaq beynəlxalq nümayəndə və rəsmiləri qarşılayacaq.
Rəy yaz