Baş direktor bu reklamı ehtiram ifadəsi sayır

““Land of fire - Azerbaijan” reklamı üçün Bakı Madridin “Atletiko” klubuna hər- hansı vəsait ödəməyib”, - deyə Bakıda səfərdə olan klubun baş direktoru Miguel Angel Gil BBC-yə açıqlama verib.

Baş məşqçinin təbirincə, “Land of fire - Azerbaijan” reklamı “Atletiko”nun Azərbaycana hədiyyəsidir. M.Gil “Atletiko” formaları üzərində “Land of fire - Azerbaijan” yazısının yerləşdirilməsi ideyasının müəllifinin də özü olduğunu deyib. “Hətta onu da əlavə edim ki, yazının məzmun, dizayn ideyası da təxəyyülümün məhsuludur. Madrid klubu bu reklamın yerləşdirilməsi ilə ölkə və xalqınıza hörmət və ehtiram ifadə edir. Bu fəaliyyət üçün klubumuza heç bir vəsait ödənilməyib, eləcə də bu məsələ müzakirə mövzusu deyil”, - deyə baş direktor vurğulayıb.

Futbol üzrə İspaniya çempionatında dekabrın 1-də keçirilmiş Madrid derbsində “Real” ilə görüşə “Atletico” komandasının oyunçuları meydana üzərində “Land of Fire – Azerbaijan” (“Odlar yurdu Azərbaycan”) yazısı olan formalarda çıxıblar. Bu arada sosial şəbəkələrdə bu reklam üçün Azərbaycanın İspaniya klubuna külli miqdarda pul ödədiyi bildirilirdi. -05D-