Keçmiş polis mayoru, narkobiznesdə ittiham olunaraq 10 il müddətinə həbs edilmiş Rafael Mirzəyev DİN rəhbərliyinin intriqasının qurbanıdır. R.Mirzəyevin prinsipiallığı, rəhbərliyə rüşvət vermək istəməməsi onu polisdə arzuolunmaz adama çevirib. Məhz buna görə də R.Mirzəyevə qarşı təxribat qurulub, onu həbsə alaraq mühakimə ediblər. Bu barədə cümə axşamı Media Mərkəzdə keçirilən mətbuat konfransında onun həyat yoldaşı Təranə Mirzəyeva və hüquq müdafiəçisi Ələkbər Məmmədov bildiriblər.
“Əgər DİN rəhbəri Ramil Usubov Rafael Mirzəyevi vaxtında qəbul etsəydi və dinləsəydi, hər şey başqa cür ola bilərdi. Odur ki, hesab edirəm ki, baş verənlərdə günahkarlardan biri də DİN rəhbəridir”, - T.Mirzəyeva qeyd edib.
Hər şey ondan başlayıb ki, Yasamal polisinin o zamankı rəhbəri Məhəbbət Hüseynov R.Mirzəyevlə münaqişəyə girib, çünki sonuncu rəhbərliyə rüşvət verməyib.
R.Mirzəyevin digər düşməni DİN idarələrindən birinin o zamankı rəhbəri Ramiz Nağıyev olub. T.Mirzəyevanın sözlərinə görə, o, ərini şantaj edərək ondan pul tələb edib. Bütün bunlar ona gətirib çıxarıb ki, R.Mirzəyevi narkotik maddə əməliyyatı üzrə təxribata çəkiblər. Belə ki, R.Mirzəyev narkotik maddə alverçilərinin saxlanması üzrə əməliyyatçıdan cinayətin iştirakçısına çevrilib.
Əməliyyat 2011-ci ilin iyulunda keçirilib. R.Mirzəyevdən başqa Astara rayon sakini Vahid Abdullayev də saxlanılıb. Ondan 4 kq. həşiş götürülüb.
R.Mirzəyevin günahı ondadır ki, əməliyyatın keçirilməsi üçün səlahiyyəti olmadığı halda narkotik maddə alverçilərini tutan həmkarlarına kömək etməyə razılıq verib. Nəticədə də narkoqrupun üzvü kimi nəqliyyat polisinin əməkdaşları tərəfindən saxlanılıb.
Hüquq müdafiəçisi Ələkbər Məmmədov xatırladıb ki, iyulda Apellyasiya Məhkəməsi olub və məhkəmə 2012-ci il martın 19-da R.Mirzəyevi 10 il azadlıqdam məhrum edən Bakı Ağır Cinayətlər Məhkəməsinin qərarını qüvvədə saxlayıb.
Ölkə prezidentinə, ombudsmana, MM-ə, ATƏT-ə, hüquq-müdafiə təşkilatlarına, xarici səfirliklərə, beynəlxalq təşkilatlara məhkəmənin qanunsuz qərarı ilə bağlı müraciətlər göndərilib. Hazırda R.Mirzəyev 9 saylı koloniyada saxlanılır. -04S-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz