Polis “Qanun” Nəşriyyat Evindən oğurluq etmuş şəxsləri tapıb.
Daxili İşlər Nazirliyinin (DİN) mətbuat xidmətinin məlumatına görə, DİN və Bakı Şəhər Baş Polis İdarəsinin Təhlükəsiz Şəhər Xidmətləri və Nəsimi Rayon Polis İdarəsi oğurluqda və narkotik vasitələrin qanunsuz dövriyyəsində şübhəli bilinən Feyruz Novruzov, Natiq İsayev, İsmayıl Yusifov, Vüsal Əsgərov, Şahmar Abdulov və Vüqar Səlimovu saxlayıb. F.Novruzovdan 1,26 qram heroin, N.İsayevdən 1,32 qram, İ.Yusifovdan 2,37 qram, V.Əsgərovdan 1,515 qram, Ş.Abdulovdan 1,375 qram və V.Səlimovdan 1,960 qram tiryək aşkar edilərək götürülüb.
Nəsimi Rayon Polis İdarəsi tərəfindən V.Səlimov və F.Novruzovla bağlı aparılan əməliyyat tədbirləri nəticəsində müəyyən edilib ki, onlar sentyabrın 27-də Bakı şəhər sakini Şahbaz Rüstəmxanlıya məxsus Nəşriyyat Evindən 4200 manat pul oğurlayıblar.
Araşdırmalar zamanı sentyabrın 26-da V.Səlimovun Nigar Köçərlinin müdiri olduğu “Qanun” Nəşriyyatı MMC-yə məxsus ofisdən də içərisində 13 min manat olan seyfi oğurlaması, həmçinin həmin MMC-də çap şöbəsində işləməsi də müəyyən edilib.
“Qanun” Nəşriyyat Evinin direktoru Şahbaz Xuduoğlu Turan-a bildirib ki, polis tərəfindən saxlanılan Vüqar Səlimov bir neçə il öncəyədək bu nəşriyyatda işləyib.
“O, işdən çıxmasına baxmayaraq, oğurluq baş verən zamanadək mətbəyə gəlib-gedirdi. O şübhələndiyim adamlardan biri idi”, - Ş.Xuduoğlu bildirib.
Ş.Xuduoğlu polisin müsbət işini də qeyd edib: “Doğrudan, polis yaxşı işlədi, səhlənkar yanaşmadı və nəticə sevindiricidir”. -03B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz