Bakı Apellyasiya Məhkəməsinin zalında vəkil Fariz Namazlının qadını döyməsi haqda məlumat təsdiqlənməyib. Bu barədə Turan-a DİN mətbuat xidmətinin əməkdaşı Orxan Mansurzadə bildirib.
Qeyd edək ki, bundan öncə F.Namazlı Yasamal rayon 28-ci polis bölməsinə çağırılıb. Belə ki, qadın oktyabrın 20-də məhkəmədə vəkilin onu döyməsi barədə şikayət verib.
Bu fakt siyasi işlər üzrə müttəhimləri müdafiə edən vəkilə təzyiq cəhdi kimi qiymətləndirilib.
Hadisəni şərh edən O.Mansurzadə deyib ki, məlumat Bakı Şəhər Baş Polis İdarəsi tərəfindən araşdırılıb. Müəyyən edilib ki, oktyabrın 20-də saat 19:00-a yaxın polisə təcili yardım stansiyasından məlumat daxil olub ki, Xaşa-Xuna dağ massivinin sakini Xətai Şahverdiyeva kəllə-beyin xəsarəti alıb. Qadın bildirib ki, oktyabrın 20-də saat 15:30-a yaxın Bakı məhkəməsinin zalında Fariz Namazlı tərəfindən döyülüb.
Lakin əslində oktyabrın 20-də məhkəmə zamanı F.Namazlı Şahverdiyevanın qohumları tərəfindən hücuma məruz qalıb. Bu, müşahidə kamerasındakı qeydlərlə də təsdiqlənib.
Məhkəmə-tibbi ekspertiza Şahverdiyevanın yüngül dərəcəli xəsarətlər aldığını müəyyən edib. Toplanmış material hüquqi qiymət verilməsi üçün Yasamal Rayon Polis İdarəsinin istintaq şöbəsinə göndərilib.
Öz növbəsində F.Namazlı Turan-ın müxbirilə söhbətində qeyd edib ki, hüquqi qiymət cinayət işinin başlanmasını və ya imtinanı nəzərdə tutur. İndiki halda məhkəmə zalında törədlimiş xuliqanlıq əlamətləri var.
Xatırladaq ki, qanunazidd hərəkətlər məhkəmə müttəhimin vəkili olan F.Namazlının vəsatətini təmin etdikdən sonra törədilib.06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz