Açiq mənbələrdən foto.
Bakı/10.09.20/Turan: On-layn Azel.tv nəşrinin jurnalisti Sevinc Sadıqova dünən Nizami rayon məhkəməsinin binası qarşısında Tofiq Yaqublunun müdafiəsinə həsr olunmuş etiraz aksiyasını işıqlandırarkən xəsarət alıb.
“Üzərində Press yazılan fərqləndirici jiletlər geyinməyimizə baxmayaraq, polis jurnalistlərə qarşı çox kobud davranırdı. Polis bizim peşə borcumuzu yerinə yetirdiyimizi bilsə də, Nizami rayon polis bölməsinin əməkdaşları bizə fiziki təzyiq göstərirdilər”, deyə Sadıqova Turan agentliyinə bildirib.
Baş verənlərin çəkilişini apararkən polis Sadıqovanı güclü şəkildə itələyib və o, yıxılaraq, ayağını zədələyib.
“Digər həmkarlarım da əsarət alıb. Bəzilərini yıxıblar, əllərindən kameralarını və diktofonlarını alıblar”, deyə Sadıqova bildirib.
Qeyd edək ki, dünən polis Bakının mərkəzində Tofiq Yaqublunun müdafiəsinə həsr olunmuş digər aksiyada da jurnalistlərin işinə mane olub. -06В-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz