Prezident İlham Əliyev birinci Avropa Olimpiya Oyunlarının Bakıda keçiriləcəyi münasibətilə xalqı təbrik edib
Prezident İlham Əliyev 2015-ci ildə birinci Avropa Olimpiya Oyunlarının Bakıda keçirilməsi ilə bağlı Avropa Olimpiya Komitəsinin qərarı münasibətilə Azərbaycan xalqını təbrik edib.
İ.Əliyev bu qərarı tarixi hadisə adlandırıb. Çünki bu vaxta qədər Avropa Olimpiya Oyunları keçirilməyib.
Bu qərarın qəbulunda bir neçə amil əsas rol oynayıb: Azərbaycanın beynəlxalq nüfuzunun artması, ölkədəki ictimai-siyasi sabitlik, iqtisadi uğurlar, Bakının infrastrukturunun, o cümlədən idman infrastrukturunun miqyaslı inkişafıdır.
Bundan əlavə, Bakının seçilməsi son illər Azərbaycanın idman sahəsində əldə etdiyi nailiyyətlərinin nəticəsidir.
“Bu il Yay Olimpiya Oyunlarında biz tarixi qələbə qazanmışıq, 10 medal qazanmışıq. Dünya miqyasında 30-cu, Avropa ölkələri arasında isə 15-ci yerə layiq görülmüşük, - prezident qeyd edib.
O bildirib ki, Olimpiya Oyunlarının yüksək səviyyədə keçirilməsi üçün qarşıdakı 2 ildə bütün işlər görüləcək.
Birinci Avropa Olimpiya Oyunları 2015-ci ildə keçiriləcək. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz