Bu gün Nərimanov Rayon Məhkəməsində AXCP İdarə Heyətinin üzvü Məmməd İbrahimin işi üzrə prosesdə prokuror çıxış edib. O, müxalifətçinin 4 il azadlıqdan məhrum edilməsini istəyib.
Qeyd edək ki, proses zamanı ittiham tərəfinin şahidləri M.İbrahimin günahsız olduğunu, onun istintaqın zərərçəkən kimi tanıdığı şəxslərə güc tətbiq etmədiyini təsdiqləyiblər.
M.İbrahim ittihamı rədd edərək bildirib ki, o, siyasi fəaliyyətinə görə təqib olunur. Hüquq- müdafiə təşkilatları M. İbrahimi siyasi məhbus kimi tanıyıblar.
*M.İbrahim ötən il sentyabrın 30-da xuliqanlıq ittihamı (CM-in 221.1-ci maddəsi) ilə həbs edilib (şikayəti keçmiş AXCP üzvü Mikayıl Quliyev verib). Sonradan bu maddə daha ağır maddəyə - 221.2.2-ci maddəyə tövsif edilib. Bu maddəyə görə M.İbrahimi 5 ilədək azadlıqdan məhrumetmə cəzası gözləyir.-06-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz