Hörmətli cənab Prezident,
Tezliklə Azərbaycan xalqı Novruz bayramını qarşılayacaq. Bu bayramın böyüklüyü təkcə milləti keçmişin nailiyyətləri ilə bəsləyən tarixi gücündə deyil, həm də 20-ci yüzilliyin çətin illərində xalqımıza yaşamaq, öz bənzərsizliyini qoruyub-saxlamaq və azad olmaq gücü verən güclü sönməyən alovdadır.
Bu gün biz növbəti sınaqlara məruz qalırıq. Siz dəfələrlə Azərbaycanın sərhədləri yaxınlığındakı bölgələri əhatə edən təhlükəli və faciəvi hadisələri qeyd etmisiniz. Və ölkənin sabitliyini xalqın birliyi sayəsində qoruyub saxlamağın mümkün olduğunu vurğulamısınız. Bu gün də müasir təhlükələr şəraitində bu birliyə, vəhdətə, şərikliyə heç vaxt olmadığı qədər çox ehtiyac var. Bu təhlükələr dövlət idarəetmə sisteminin təkmilləşdirilməsini, müxtəlif sahələrdə islahatlar aparılmasını, hər bir vətəndaşın – qulluqçunun, biznesmenin, ictimai fəalın və siyasətçinin potnsialından hərtərəfli istifadə üçün şərait yaradılmasını tələb edir.
Sizin son bəyanatlarınız və fərmanlarınız ölkənin yeni inkişaf mərhələsinin başladığını göstərir, burada hər bir vətəndaşın potensialının kəşf edilməsi, şəxsiyyət azadlığının, qanunun aliliyinin təmin edilməsi, insan hüquqlarına hörmət hər şeydən üstün tutulur. Hamımız yaxşı başa düşürük ki, ölkənin bundan sonrakı inkişafı ölkənin taleyinə biganə olmayan hər kəsin iştirakını tələb edəcək. Onun hakimiyyətdə və ya müxalifətdə, yaxud üçüncü – ictimai tərəf olması əhəmiyyət kəsb etmir. Anın əsas tələbi yeni tarixi keçid dövründə ölkənin inkişafına töhfə verməyə hazır olan hər kəsə ehtiyac olmasıdır.
Cənab Prezident, Siz Azərbaycan xalqının nə qədər güclü bir potensiala sahib olduğunu yaxşı bilirsiniz və bu gün bu potensialın həyata keçirilməsinə hər zaman olduğundan daha çox ehtiyac var. Bu, zamanın tələbidir, dövlətin və cəmiyyətin qarşılaşdığı təhlükələr bunu göstərir. İqtisadiyyatda, sosial sahədə və digər sahələrdə problemlərin obyektiv və subyektiv səbəblərini özünüz qeyd edirdiniz. İstər dövlət başçısı, istərsə sadə vətəndaş olsun, heç kim obyektiv mənfi proseslərin inkişafından və subyektiv səhvlərdən sığortalanmayıb. Hərəkətin, inkişafın, keçidin, ucalmanın mahiyyəti də məhz bu ziddiyyətdədir. Ölkənin yeni inkişaf mərhələsində, sizin səciyyələndirdiyiniz kimi “sınaq illərində” Novruz bayramı bütün xalqın sınaqlardan şərəf və ləyaqətlə çıxması üçün imkan yaradır.
Novruzun əsas atributlarından biri tonqaldır, onun odu bizi azarlardan – fiziki və ictimai nasazlıqlardan təmizləyir. Və biz hamımız fiziki, mənəvi azarlardan təmizlənmək üçün bayram tonqalı üzərindən atlamağa çalışırıq. Siz də bunu edirsiniz və növbəti dəfə yeni ilə keçmişin yükündən qurtulub yüngülləşmiş olaraq keçmək üçün, Xeyrin Şər üzərində qələbəsini təsdiq etmək üçün təmizləyən alovun üzərindən keçəcəksiniz. Azərbaycan xalqının inanclarına görə, bütün küsülülərin barışması ənənəsi də Xeyrin Şər üzərində qələbəsini təcəssüm etdirir. Hazırki ölçülərlə küsmək termini cəmiyyətdə baxışların fərqli olması ilə əlaqədar baş verən ayrılmadır. Bəzən bu fərqlər kəskin olur, barışmaz görünür, amma bunu rəf etmək mümkündür, xalqın mürəkkəb, amma şanlı tarixində bir çox nümunələr buna dəlalət edir. Ayrılığın aradan qaldırılması və onun birlikdə ədalətli dövlət və konsensus cəmiyyət quruluşu ilə əvəz etmək üçün, Cənab Prezident, biz Sizi ziddiyyətli, amma bizim olan keçmişin kandarını keçməyə və hər bir Azərbaycan vətəndaşı üçün layiqli gələcək imkanı yaratmaq üçün Novruzun bütün zənginliklərindən və gücündən istifadə etməyə çağırırıq.
Vətəndaş Cəmiyyətini Müdafiə Komitəsi
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz