Prokurorluq Göyçay rayonunda qadının ölümünün zəlzələ ilə əlaqədar olub-olmadığını araşdırır
Azərbaycan Baş Prokurorluğu sentyabrın 4-də axşam Göyçay rayonunda zəlzələ ilə əlaqədar bir qadının ölümü haqqında məlumatlarla bağlı press-reliz yayıb.
"Göyçay rayon prokurorluğuna sentyabrın 4-də saat 10:55-də elektrik şəbəkəsindən cərəyan vuran Məlikkənd kənd sakini, 1987-ci il təvəllüdlü Ruqiyə İbadovanın ölümü haqqında rayon polis şöbəsindən daxil olmuş məlumatla əlaqədar olaraq cəsədə və hadisə yerinə baxış keçirilib, məhkəmə-tibbi ekspertizası təyin edilib və digər zəruri prosessual hərəkətlər yerinə yetirilib", deyə məlumatda bildirilir.
İbtidai istintaq zamanı müəyyən edilib ki, sentyabrın 4-də səhər həyətyanı sahəni suvarmaq üçün arxda quraşdırılmış mühərriki işə salmaq istəyərkən R.İbadovanı cərəyan vurub və o, 20 sm dərinliyi olan arxa düşüb. Hadisə nəticəsində R. İbadova dünyasını dəyişib.
Faktla bağlı, habelə bunun sentyabrın 4-də ölkənin şimal-qərbində baş vermiş zəlzələ ilə əlaqədar olub-olmadığını haqqında rayon prokurorluğunda müvafiq araşdırma davam edir, deyə Baş Prokurorluğun məlumatında qeyd edilir. - 06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz