Aqil Hümbətov. Açiq məmbələrdən foto.
Bakı/12.05.20/Turan: Maştağa qəsəbəsindəki Respublika Psixiatriya Xəstəxanasına məcburi müalicəyə yerləşdirilən AXCP fəalı Aqil Hümbətov mayın 11-də evə zəng edərək onunla pis rəftar etdiklərini bildirib.
Onun həyat yoldaşı Aygün Hümbətova Turan-a bildirib ki, Aqil deyib ki, ona bilmədiyi iynələr vurulur və adlarını açıqlamadıqları dərmanlar verilir.
“Mən ona dedim ki, dərman və iynələrdən imtina etsin. Ancaq müalicə məcburidir. Aqil özünü çox pis hiss etdiyini bildirdi”, - A.Hümbətova deyib.
“Mənim ərim ruhi xəstədirmi, niyə onunla belə davranırlar? Niyə üç uşaq atasını öldürürlər. Əgər bu cür “müalicə etməyə” davam etsələr, o öləcək”, - A.Hümbətova qeyd edib.
1 saylı Psixiatriya Xəstəxanasından şərh almaq cəhdi uğursuz olub.
Xatırladaq ki, A.Hümbətov sosial şəbəkələrdə ölkə rəhbərliyini tənqid etdikdən sonra martın 30-da Psixiatriya Xəstəxanasına yerləşdirilmişdi. Lakin məhkəmənin qərarı ilə sərbəst buraxıldı. Bundan sonra A.Hümbətov sosial şəbəkələrdə saxlanma şəraiti barədə danışdı və Psixiatriya Xəstəxanasındakı vəziyyəti, xəstələrlə qeyri-insani rəftarı, dəhşətli sanitariya şəraitini, pis qidalanmanı tənqid etdi.
Ertəsi gün – aprelin 2-də yenidən həmin xəstəxanaya yerləşdirildi.
Hüquq müdafiəçiləri A.Hümbətovun Psixiatriya Xəstəxanasına yerləşdirilməsini dissidentlərin analoji üsulla təqib edildiyi sovet praktikasının təzahürü kimi qiymətləndiriblər. -—06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz