“Qarabağ” Avropa Liqasının pley-off mərhələsinə bir addımlığında

Bakı/01.12.23/Turan: “Qarabağ” furbol klubu  Avropa Liqasının qrup mərhələsinin beşinci turu çərçivəsində səfərdə Norveç “Molde”si ilə heç-heçə edib – 2:2.

12-ci dəqiqədə "Qarabağ"ın hücumçusu Juninyo hesabı açıb.

Norveçlilər 82-ci dəqiqədə hesabı bərabərləşdirə biliblər – Eriksen qola imza atıb.

87-ci dəqiqədə o «Molde»ni hesabda irəli çıxarıb.

Amma, “Qarabağ” məğlubiyyətdən yaxa qurtara bilib.

Əlavə olunmuş vaxtın beşinci dəqiqəsində Bəhlul Mustafazadə hesabı bərabərləşdirib.

Heç-heçə komandaların xallarını bərabər saxlayıb - hərəyə 7. Amma “Qarabağ” Bakıda “Molde” üzərində qazandığı ilk oyunda qələbə sayəsində ikinci pillədə mövqeyini qoruyub.

İki  həftədən sonra  keçiriləcək son turda «Molde» Leverkuzendə artıq qrupda  birinci yeri özünə təmin etmiş «Bayer»lə oynayacaq.

“Qarabağ” isə Bakıda qrupun autsayderi İsveç “Xekken”i qəbul edəcək.

Təbii ki, pley-offa vəsiqəni qeyd-şərtsiz təmin etmək üçün “Qarabağ” qalib gəlməlidir. Bununla belə, "Molde" - "Bayer" oyununun nəticəsindən asılı olaraq,  «Xekkenle» matçın digər nəticələri də "Qarabağ"ı pley-offa çıxara bilər.—06B-