Qarabağ əlili: Burada bina tikintisinə imkan verməyəcəyik
“Biz Yeni Günəşlidəki parkda ağacların kəsilməsinə və burada bina tikilməsinə etiraz edirik”. Bunu Turan-ın müxbirilə söhbətdə parkda ağac kəsilməsinə etiraz olaraq bu gün özünü yandırmaq istəyən Qarabağ müharibəsi əlili Rövşən Qafarov bildirib.
O deyib ki, bu ərazi Yeni Günəşlidəki 275 və 279 saylı məktəblərin yaxınlığında yerləşir. Onun sözlərinə görə, parkda bina tikintisini Abşeron Mənzil Tikinti Kombinatı aparmaq istəyir: “Bu parkın ərazisi təqribən 1 hektara yaxındır. Bu ilin mayında gəlib parkda 19-20 ədəd 30 illik ağacları kəsiblər, buna görə də hələ o vaxt Ekologiya Nazirliyi bu adamları 3 min manata yaxın məbləğdə cərimə edib”.
R.Qafarovun sözlərinə görə, o zamandan bu insanlar yoxa çıxıblar, bir də bu gün, yəni oktyabrın 5-də peyda olublar. R.Qafarov deyir ki, indi də təməl qoymaq üçün parkı çəpərləmək istəyirlər: “Buna etiraz edirik, özü də tək deyilik, 30-40-a qədər adam bu etirazda iştirakçı idi. Görəndə ki, niyyətlərindən əl çəkmək istəmirlər, üstümə benzin töküb özümü yandırmaq istədim. Polislər gəlib məni Suraxanı rayon 33 saylı polis bölməsinə apardılar. Mən də atdığım addımın səbəblərini izah etdim”.
Onun sözlərinə görə, Abşeron MTK parkda 6 bloklu 12 mərtəbəli bina tikmək istəyir. R.Qafarova görə isə bu, parkın bütünlükdə məhv edilməsi deməkdir.
“Bu, ətrafda bəlkə də yeganə parkdır ki, bu tərəfin adamları orada istirahət edə bilirlər. Anlaya bilmirəm, bina tikintisi üçün başqa bir yer yoxdurmu ki, hazır yaşıllıqlar məhv edilir”.
R.Qafarov bunu da bildirib ki, parkda bina tikintisinə icazə verən qurumlar həmin qərarı ləğv etməlidirilər, başqa bir yerdə tikintiyə icazə verməlidirlər. “İndi kimsə bina tikmək istəyirsə, Bakıdakı yaşıllıqları məhv etməlidirlər?”. -0-
-
- İqtisadiyyat
- 5 Oktyabr 2016 17:00
-
- İqtisadiyyat
- 5 Oktyabr 2016 17:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz