Bakı/17.02.23/Turan: Fevralın 16-da axşam "Qarabağ" FK Bakıda, Tofiq Bayramov adına Respublika Stadionunda Konfranslar Liqasının 1/16 final mərhələsinin ilk matçında Belçikanın "Gent" klubuna qalib gəlib.
Matçın birinci yarısı təxminən bərabər mübarizə şəraitində keçib. Fasilədən sonra "Qarabağ" təşəbbüsü öz əlinə alıb.
51-ci dəqiqədə ev sahibləri hesabı açmaq şansı əldə edib. Amma Ramil Şeydayev penaltını vura bilməyib.
Bununla belə, "Qarabağ" hücumu davam etdirib.
78-ci dəqiqədə "Qarabağ" hesabı açmağa müvəffəq olub. Marko Yankoviçin dəqiq ötürməsindən sonra Leandro Andrade topu qonaqların qapısına göndərib.
Bundan sonra da "Qarabağ" qonaqların qapısına zərbələr endirmək imkanına malik olub. Belə ki, 89-cu dəqiqədə Redon Cicanın atdığı top qapının üst dirəyinə dəyib, digər hallarda ev sahibləri hücumları uğurla nəticələndirə bilməyib.
Matç "Qarabağın" minimal qələbəsi ilə başa çatıb.
Belçikada cavab oyunu fevralın 23-də keçiriləcək. 06В
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz