Bakı/04.06.18/Turan: Separatçıların lideri Bako Saakyanın üçüncü gündür ki, Xankəndidə etirazçıları sakitləşdirmək və onları dağılışmağa məcbir etmək cəhdləri nəticə vermir.
Ermənistan KİV-in məlumatına görə, bir neçə yüz adam yenidən avtovağzalın yanından şəhərin mərkəzi hissəsinə gedən yolu bağlayıb.
Onlar yürüşçülərlə B.Saakyanın görüşünün yekunları ilə bağlı məlumat almaq üçün toplaşıblar.
Yürüşün təşkilatçılarından biri David Simonyan bildirib ki, B.Saakyan polis və Təhlükəsizlik Xidməti rəhbərliyinin işdən kənarlaşdıracağını vəd edib və bundan ötrü vaxt istəyib.
Ancaq toplaşanlar B.Saakyana inanmayıblar və təcili qərar qəbul etməsini tələb ediblər.
Xatırladaq ki, yerli Təhlükəsizlik Xidmətinin xüsusi təyinatlı əməkdaşları üç yerli sakini döydükdən sonra etiraz aksiyaları başlayıb. Polis hərbçilərin hərəkətinin qarşısını almayıb, əksinə döyülən vətəndaşları saxlayıb.
Həmin gün yüzlərlə adam şəhərin mərkəzində toplaşaraq güc qurumları rəhbərlərini istefasını tələb edib.
Bundan öncə etiraz aksiyasının iştirakçıları B.Saakyanı istefaya çağırıblar.-02D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz