Qeyri- hökumət təşkilatlarının Azərbaycan prezidenti və Prezident Administrasiyasına poçt və e-mail vasitəsi ilə ünvanladığı çoxsaylı məktublara indiyədək cavab verilməyib. Bu barədə Turan-a Vətəndaş Cəmiyyəti Müdafiə Komitəsinin üzvü Qubad İbadoğlu bildirib.
Qanunvericiliyə görə, rəsmi orqanlar vətəndaşların müraciətinə 15 gündən gec olmayaraq cavab verməlidir.
“Vətəndaş Cəmiyyətinin çoxsaylı təmsilçisi həm kollektiv şəkildə, həm də fərdi olaraq 2013-cü il dekabrın 30-dan başlayaraq məktub və müraciətlərini ölkə prezidentinə və Prezident Administrasiyasına göndərir. Amma indiyədək nə cavab verilib, nə də dialoq və ya debat yoxdur”, - Q.İbadoğlu qeyd edib.
Milli Məclis 2013-cü il dekabrın 17-də vətəndaş cəmiyyətlərinin fəaliyyəti ilə bağlı “Hüquqi şəxslərin dövlət qeydiyyatı və dövlət reyestri haqqında”, “Qeyri- hökumət təşkilatları (ictimai birliklər və fondlar) haqqında”, “Qrant haqqında” qanunlara və “İnzibati Xətalar Məcəlləsi”nə 8 əlavə, 50-dək düzəliş edib. Əlavələrin 7-i cərimələrin artırılması, 1-i QHT-lərin fəaliyyətinin 1 il müddətinə dayandırılması ilə bağlıdır. Bu dəyişikliklərdə hüquqi şəxslər üçün müəyyən edilən cərimələrin ümumi məbləği 8, fiziki şəxslər üçün isə 3 min AZN olub.
Düzəlişlər həmçinin vergi, qrant sənədləri, üzvlərin hüquqları, sənədləşmə və məsuliyyətə cəlbetmənin dairəsinin genişləndirilməsini nəzərdə tutur. Eyni zamanda xarici QHT-lərin fəaliyyətinə ciddi mane olacaq düzəlişlər edilib. Bu QHT-lər siyasi proseslər və mənəvi dəyərlərlə bağlı fəaliyyət göstərə bilməz.
“Biz Azərbaycan prezidentini bu dəyişikliklər paketini imzalamamağa, hökuməti vətəndaş cəmiyyəti ilə dialoqa çağırırıq. Hesab edirik ki, prezident qanunlara dəyişikliklər paketini imzalasa, bu, vətəndaş cəmiyyətinin fəaliyyətini ciddi məhdudlaşdıracaq”, - Qubad İbadoğlu bildirib.
Çoxsaylı Vətəndaş Cəmiyyəti rəhbərləri 2013-cü il dekabrın sonlarında və 2014-cü il yanvarın 16-da forum keçirərək Azərbaycan prezidentini qanunlara dəyişikliklər paketini imzalamamağa çağırıb. QHT təmsilçiləri 2013-cü il dekabrın 30-da Prezident Administrasiyasının qarşısında etiraz edib və onların nümayəndəsini administrasiyanın məsul şəxsi qəbul edib. Qəbul zamanı etiraz məktubu həmin şəxsə də təqdim edilib. -03B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz