Bakı/15.05.19/Turan: NİDA fəalı Qiyas İbrahimov məhkəmənin ona təyin etdiyi cəriməni xırda pulla ödəyib.
İbrahimovun özünün bildirdiyinə görə, beş gün əvvəl Nizami rayon icra və probasiya şöbəsindən ona Bakı Ağır Cinayətlər Məhkəməsinin təyin etdiyi 73 manat ölçüsündə ekspertiza xərclərinin ödənilməsi haqqında məktub gəlib.
Sanksiya Bakı Ağır Cinayətlər Məhkəməsinin 25 oktyabr 2016-cı il tarixli İbrahimovun qanunsuz narkotik dövriyyəsi ittihamı ilə azadlıqdan məhrum edilməsi haqqında hökmlə əlaqədar təyin edilib. İbrahimov hökmü qanunsuz hesab etsə də, ekspertiza xərcini ödəmək qərarına gəlib.
"Barəmdə çıxarılan qərar bütövlükdə qanunsuz və saxtadır. Onun tərkib hissəsi olan ekspertiza xərci də. Evimə narkotik atıblar, sonra da onun ekspertizasını da bizim boynumuza qoyublar. Mən də qərara gəldim ki, bunu bir ictimai aksiyaya çevirərək, xərcini 1, 3 və 5 qəpiklə ödəyim, sayanda bir az əziyyət çəksinlər", deyə İbrahimov bildirib.
Onun sözlərinə görə, iki gün ərzində ona dəstək üçün 78 manat 40 qəpik xırda pul yığılıb.
"Artıq qalan pul digər qanunsuz cərimələnənlərin "qəpik aksiyalarına" veriləcək", deyə İbrahimov bildirib.
O və Bayram Məmmədov 2016-cı il mayın 10-da Heydər Əliyevin abidəsində siyasi şüarlar yazdıqdan sonra həbs ediliblər. Hər ikisi qanunsuz narkotik dövriyyəsi ittihamı ilə 10 il müddətinə azadlıqdan məhrum edilib.
Amma fəallar bu ilin martında əvf fərmanı ilə azadlığa çıxıblar. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz