Bakı/14.10.19/Turan: Yunanıstan televiziyası Azərbaycanlıların Mikonos adasında istirahəti haqqında reportaj göstərib. Reportajda gənclərin adada bahalı villalarda yaşamasından və təkcə ev ümü 475 min avro ödəməsindən bəhs edilirdi. Addımbaşı onları 12 cangüdən mühafizə edirdi. Bu mühafizəçilərin hər biri gündəlik 700 avro ölçüsündə əməkhaqqı alırdı.
Hətta ABŞ prezidentini qoruyan mühafizəçilərə gündəlik bu qədər çox ödəniş edilmir. "Onlar kimdir, Mikonosda milyonlar xərcləyənlər kimin uşaqlarıdır?", deyə iqtisadçı-professor Qubad İbadoğlu FB-də sual edir.
O, bu nuvorişlərin Yunanıstanda gündəlik xərclərinin Azərbaycanda 875 nəfərin orta pensiyasına bərabər olduğunu hesablayıb.
"İstirahətlərini qlamur həyat tərzinə və Mikonosda şən yunan tətilinə çevirən məmurlar 19 günlük məzuniyyət üçün 2 milyon avro xərcləyiblər. Bu, orta hesabla 105 226 avro və ya Azərbaycanda 335 nəfərin orta aylıq əmək haqqı və ya orta aylıq pensiyasına bərabərdir", İbadoğlu hesablamalarla bu nəticəyə gəlib.
Azərbaycan saytlarının məlumatına görə, Yunanıstan TV-də həqiqətən Azərbaycan gənclərinin Mikonos adasında eyş-işrətindən bəhs edilən tok-şou nümayiş olunub. Elə həmin sayt Yunanıstan televiziyasının SOCAR məmurları ilə reportajını yada salır. Ancaq Turan-a görə, gənclər başqa nazirliklərin rəhbər şəxslərin övladları idi. -0--
Cəmiyyət
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
-
Kəlbəcər rayonunda Müdafiə Nazirliyinin hərbi qulluqçusu Baxşəliyev Adil Baxşəli oğlu silahdan atəş açaraq intihar edib.
-
Milli Hidrometeorologiya Xidməti 16 yanvar üçün hava proqnozunu açıqlayıb. Proqnozda ölkə ərazisində müxtəlif hava şəraitinin müşahidə ediləcəyi bildirilib.
Rəy yaz