![QMİ: 20 Yanvar hadisələri tam hüquqi-siyasi qiymət almayıb](https://turan.az/resized/media/2016/main/011900143895-750-500-resize.webp)
QMİ: 20 Yanvar hadisələri tam hüquqi-siyasi qiymət almayıb
Qafqaz Müsəlmanları İdarəsi 1990-cı il 20 yanvar hadisələrinin 26-cı ildönümü ilə bağlı bəyanat yayıb.
Sənəddə bu hadisələr milli qürur məqamı kimi dəyərləndirlir. Hadisələr zamanı həlak olanlar “Azərbaycan dövlətçiliyinin bərpası uğrunda qurban getmişlər” sayılır. “Allah-Təala nəzərində ən yüksək məqamlardan sayılan şəhidlik zirvəsinə ucalmışların əziz xatirəsi əbədi olaraq yaşayacaqdır”, - deyə sənəddə həmin hadisələrdə həlak olanlara dəyər verilir.
20 Yanvar hadisələri xalqı müstəqilliyə, milli və dini dəyərlərin bərpasına aparan yolda ilk mənəvi qələbə kimi dəyərləndirlir. “Xalq diz çökmədi, azadlıq əzmini itirmədi, əksinə, haqq səsini daha da yüksəkdən bəyan etdi”, - deyə qeyd edilir.
Bəyanatda 20 Yanvar faciəsinin indiyə kimi tam beynəlxalq hüquqi, siyasi qiymətini almadığı, cinayətkarların məsuliyyətə cəlb olunmadığı vurğulanır. Daha sonra sənəddə bu hadisələrə görə SSRİ-nin o vaxtkı rəhbəri Mixail Qorbaçov təqsirkar sayılır.
Azadlığı, müstəqilliyi Azərbaycan xalqı şəhid verərək qazandı. Odur ki, 20 Yanvar kədərə-qüssəyə batmaq yox, şəhidləri anmaq, xalqa, xüsusilə gənclərə qəhrəmanlıq və vətənpərvərlik ruhu təlqin etmək günü kimi dəyərləndirlir.
Sənəddə Ümummilli hüzn və xalqın birlik və vəhdətini təcəssüm etdirən qürurlu tarixi ildönümü yüksək səviyyədə qeyd etmək, şəhidlərin əziz ruhlarını anmaq bütün vətəndaşların, o cümlədən, dindarların Allah, Vətən qarşısında müqəddəs borcu hesab edilir.
QMİ 20 Yanvar günü məscidlərdə bu bəyanatın mətninin oxunmasını, “Axund və imamlar üçün xütbə nümunələri”ndə Qarabağ, 20 Yanvar həqiqətləri barədə təqdim olunmuş şəkildə moizələr edilməsini, əziz şəhidlərimizin ruhlarına dualar edilməsini vacib sayır. -05C-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz