Parlamentin növbədənkənar sessiyasında qəbul edilmiş qanunvericilik aktları

Bu gün Milli Məclis növbədənkənar sessiyasında biznes mühitinin yaxşılaşdırılmasına, bank əmanətlərinə zəmanətin gücləndirilməsinə və onların vergi qoyuluşundan azad edilməsinə yönəlmiş qanunvericilik aktları paketi qəbul edib. Bununla belə, parlament ölkədən valyuta çıxarılmasına 20 faizlik rüsum tətbiq edib.

Xüsusən, MM Vergi Məcəlləsinə və “Gömrük tarifləri haqqında” qanuna investisiyaların təşviqinə yönəlmiş düzəlişlər qəbul edib.

Belə ki, investisiyaların təşviqi haqqında sənəd almış (sənədlər Nazirlər Kabineti tərəfindən veriləcək) layihələrə 7 il ərzində gəlir və ya mənfəət vergisi üzrə 50%-lik imtiyaz tətbiq edilməsi, onların 7 il ərzində əmlak vergisindən, torpaq vergisindən,  texnika, texnoloji avadanlıq və qurğuların idxalı zamanı ƏDV-dən azad edilməsi nəzərdə tutur.

Həmin layihələr texnika, texnoloji avadanlıq və qurğuların idxalı zamanı gömrük rüsumlarından azad ediləcək.

Parlament həmçinin “Dövlət alqıları haqqında” qanuna yerli tədarükçülər və podratçılar üçün müəyyən üstünlüklər nəzərdə tutan düzəlişləri təsdiq edib.

Düzəlişlərə əsasən, alan təşkilat tender təkliflərinin qiymətləndirilməsi zamanı yerli və xarici məhsullar (işlər və xidmətlər) arasında seçim edirsə, Azərbaycan təşkilatını seçməlidir. Yerli şirkət 20 faiz artıq məbləğ təklif etsə belə, bu, belə olmalıdır.

Əvvəllər “Dövlət alqıları haqqında” qanunda bu fərq 15% səviyyəsində idi və bu tələb mütləq xarakter daşımırdı.

Milli Məclis Vergilər Məcəlləsinə də vətəndaşların bank əmanətləri üzrə faiz gəlirlərinə vergi qoyuluşunda vergi tətillərinin tətbiqini nəzərdə tutan dəyişiklikləri təsdiq edib.

Düzəlişlərə əsasən, 2016-cı il fevralın 1-dən Azərbaycan vətəndaşlarının bank əmanətləri üzrə faiz gəlirləri vergi qoyuluşundan azad ediləcək. Bu vergi tətilləri üç il üçün nəzərdə tutulub.

Bundan başqa, dəyişikliklər investisiya qiymətli kağızları üzrə divident, diskont və faiz gəlirləri şəklində 10 faizlik gəlir vergisindən azadetmə nəzərdə tutur.

“Əmanətlərin tam sığortalanması haqqında” qəbul edilmiş qanuna və “Əmanətlərin sığortalanması haqqında” qanuna edilmiş düzəlişlərə əsasən, 2016-cı il fevralın 1-dən sığortalanacaq bank əmanətinin ölçüsü üzrə məhdudiyyətlər ləğv olunur. Bu zaman əmanət valyutasından asılı olaraq ayrılacaq əmanət faizi üzrə məhdudiyyət saxlanılıb. Milli valyutaya marağın artırılması üçün manatla olan əmanətlər üzrə tarif yüksək olacaq.

Hazırda sığorta sistemi əhalinin ümumi məbləği 30 min manata qədər olan əmanətlərini əhatə edir və tarif illik 12%-dən artıq deyil.

Milli Məclis həmçinin “Valyuta tənzimlənməsi haqqında” qanuna dəyişiklikləri təsdiq edib.

Düzəlişlər birbaşa investisiya, qiymətli kağızlar, daşınmaz əmlak və torpaq sahəsi əldə edilməsi məqsədilə xaricə köçürülən valyuta həcminə 20% ölçüsündə rüsum tətbiq edilməsini nəzərdə tutur. BU rüsumlar ildə 50 min dollardan aşağı məbləğdə valyuta çıxarılmasına şamil edilməyəcək.

Bu zaman məhdudiyyətlər müalicə, təhsil, xaricdə məhkəmə və hüquq-mühafizə orqanlarının qərarlarının icrası ilə bağlı xərclər üçün valyuta köçürülməsinə şamil edilmir. -06D-