Qafqaz Müsəlmanları İdarəsi (QMİ) İranda fəaliyyət göstərmək üçün nümayəndəlik yaradır.
QMİ Qazılar Şurasının üzvü, Fətva şöbəsinin müdir müavini Şamil Rəsulov QMİ-nin İranda nümayəndəsi təyin olunub.
QMİ-nin İran nümayəndəliyinin Qum şəhərində açılması planlaşdırılır və ofis yeri müəyyənləşdirilir. Nümayəndəlik yaranması ilə bağlı sənədləşmə işləri aparır və təşkilati işlər başa çatandan sonra fəaliyyətə başlaması gözlənilir.
QMİ mətbuat xidmətinin rəhbəri Rəhimə Dadaşova Turan-a bildirib ki, nümayəndəliklərin açılması dövlət başçısının 2011-ci il iyul fərmanı ilə bağlıdır. Belə ki, xaricdə yaşayan azərbaycanlıların dini tələbatlarını ödəmək üçün QMİ-yə dini nümayəndəliklər açmaq hüququ tanınıb.
Bu mənada QMİ-nin Gürcüstanda, Rusiyanın Moskva və Dərbənd şəhərlərində, Türkiyədə artıq nümayəndəlikləri fəaliyyətdədir.
Qeyd olunub ki, artıq QMİ Səudiyyə Ərəbistanında nümayəndəliyini açmaq üzərində iş apaırır. -05D-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz