Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Məhəmməd peyğəmbər (s.a.s)-ın mübarək mövludu münasibətilə Azərbaycan və dünya müsəlmanlarına təbrik ünvanlayıb.
A.Paşazadə “bəşərə mükəmməl əxlaq nümunəsi və hidayət nuru” kimi göndərilən peyğəmbərin təlimini dünyanın rastlaşdığı problemləri mənəvi islahatlar yolu ilə aradan qaldıra bilmək yolu adlandırır. “Ya Rəsulum! Biz səni (təkcə öz qövmünə deyil), bütün insanlara (Cənnətlə) müjdə verən və (cəhənnəm əzabı ilə) qorxudan bir Peyğəmbər olaraq göndərdik”, deyə “Quran-i-Kərim”in ayəsinə isnad edilir.
Ölkə müsəlmanlarının bu mövludu tədbirlər şəklində qeyd edə bilməsi dövlət müstəqilliyinin verdiyi etiqad azadlığının bariz nümunəsi kimi dəyərləndirilir.
Son olaraq, QMİ sədri müsəlmanları bir daha mövlud həftəsi münasibətilə təbrik edərək, peyğəmbər əxlaqından bəhrələnməyə dəvət edir. -0-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz