![Quba hadisələri ilə bağlı məhkəmələr davam edir](https://turan.az/resized/./turan-750-500-resize.webp)
Quba hadisələri ilə bağlı məhkəmələr davam edir
Bu gün Quba rayon məhkəməsində Zamin Tahirovun sədrliyi ilə 1 mart Quba hadisələri ilə bağlı təqsirləndirilən 8 nəfərin işi üzrə dinləmələr davam edib.
Helsinki Vətəndaş Assambleyası Azərbaycan Milli Komitəsinin regional nümayəndəsi Avtandil Məmmədlinin Turan-a verdiyi məlumata görə, iclasda 7 şahidin – 4 polis və 3 mülki şəxsin ifadələri dinlənilib. Polislər təqsirləndirilən şəxsləri onları polisə götürmək tapşırıldığı zaman gördüklərini bildiriblər.
Mülki şahidlərdən biri 5 saylı avtobusun sürücüsü idi. O təsdiq edib ki, təqsirləndirilənlərdən bəziləri onun marşrut avtobusunda olub və onlar keçmiş icra başçısı Rauf Həbibovun villasının yanında avtobusdan düşüblər.
Digər iki şahid təqsirləndirilənlərin hüquqazidd əməllər törətdiklərini görmədiklərini deyiblər. Proses sentyabrın 17-də davam edəcək.
Elə həmin gün Quba hadisələri üzrə təqsirləndirilən digər 9 şəxsin işi üzrə proses davam edəcək.
Sözügedən 17 nəfər başqasının əmlakını məhv etməkdə və ya əmlaka ziyan vurmaqda, yandırmaqda, iğtişaşlar təşkil etməkdə, hakimiyyət nümayəndəsinə qarşı zorakılıq tətbiq etməkdə ittiham olunurlar.
Xatırladaq ki, martın 1-də Quba rayonun keçmiş icra başçısı Rauf Həbibovun yerli sakinlərin ünvanına təhqiredici ifadələrindən qəzəblənən minlərlə Quba sakini rayon administrasiyası qarşısında etiraz aksiyası keçirib. Həbibovun istefası tələbi ilə keçirilən etiraz aksiyası iğtişaşa dönüb, icra başçısının villası və rayon administrasiyasının bir sıra köməkçi binaları yandırılıb. -06D-
-
- Cəmiyyət
- 14 Sentyabr 2012 15:56
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz