Bakı- Rusiya Federasiyası ilə dövlət sərhədi avtomobil yolunun yeni sahəsinin tikintisi üzrə torpaq işlərinin 60%-i görülüb
“Azərinşaatservis” MMC indiyəcən Bakı-Quba-Rusiya Federasiyası ilə dövlət sərhədi avtomobil yolunun yeni sahəsinin tikintisi üzrə torpaq işlərinin 60%-i görüb. Yerin altı ilə 200 kommunikasiya xətti çəkilib. Bu barədə “Azəryolservis” ASC-nin rəsmi saytı www.azeryol.az məlumat verir.
SC-nin mətbuat katibi Pünhan Mürsəliyev Turan-a deyib ki, avtomagistralın 132-ci km-dən işlər gedir və bu, faktik Quba şəhərindən keçən yola alternativ yeni avtoyoldur.
Asfalt örtüklü yol 1b (4 zolaq, eni 28 m) kateqoriyalı olacaq. Yeni yolda 7 müxtəlif səviyyəli yol ötürücüsü, 10 körpü və s. olacaq.
“Azəryolservis” ASC təmsilçisi avtomagistralın istismara veriləcəyi vaxtı və qiymətini deməkdə çətinlik çəkib.
Qeyd edək ki, 208 km uzunluğunda Bakı-Quba-Rusiya Federasiyası ilə dövlət sərhədi avtomobil yolunun yenidən qurulması 2006-ci ildən aparılır. Bakı– Gəndob (Şabran rayonu) yolunda işlər bitib.
“Azərinşaatservis” MMC bu avtomagistralda 3 müxtəlif (6-16 km, 89-109 və 121-125,5 km sahələrinin yenidən qurulması layihələri) layihə həyata keçirib. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz