![Qusarda polisə silahlı hücumun üçüncü iştirakçısı öldürülün](https://turan.az/resized/media/2013/main/102400054886-750-500-resize.webp)
Qusarda polisə silahlı hücumun üçüncü iştirakçısı öldürülün
Dünən Qusar rayonunda DİN-in xüsusi əməliyyatı zamanı oktyabrın 16-da polis əməkdaşlarına hücum edən silahlı qrupun üçüncü iştirakçısı zərərsizləşdirilib.
Şəhər sakini Edik Rüstəmov saxlanılarkən silahlı müqavimət göstərib və məhv edilib, xəbəri DİN-in mətbuat xidməti yayıb.
Xatırladaq ki, oktyabrın 16-da səhər saat 8-də Qusar şəhərində Edik Rüstəmov valyuta mübadiləsi məntəqəsinin işçisi Sadir Mustafayevin başına zərbə endirib və 6000 manat götürüb.
Polis Edik Rüstəmovu saxlayıb, oğurlanmış pulların müsadirəsi üçün o, saxlanc yerinə - şəhər kənarında meşə zolağına aparılıb. Həmin vaxt Rüstəmovla əlbir olan Qusar şəhər sakinləri Faiq Şahmuradov və Ramiz Rəhimxanov polislərə silahlı basqın edib. Onlar odlu silahdan polis mayoru Qalib Quliyevi qətlə yetirib və daha üç polis əməkdaşını yaralayıb.
Rüstəmov, Şahmuradov və Rəhimxanov meşədə gizləniblər və onların tutulması üçün əməliyyat-axtarış tədbirləri həyata keçirilib. Oktyabrın 19-da Şahmuradovun və Rəhimxanovun məhv edildiyi barədə məlumat verilib.
Əməliyyatçılar saxlanc yerində 1 avtomat, 2 tapança, çox sayda qumbara, süngü-bıçaq və digər döyüş sursatları, habelə çox sayda qida məhsulu aşkar ediblər.
Qeyri-rəsmi məlumatlara görə, bu şəslər radikal dini qrupa mənsub idilər. -1606D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz