“Asif Əliyev “Spase” televiziyasının aparıcısı İlham Mirzəyevin yalan iddiası əsasında həbs edilib, polis ibtidai istintaqı qanun pozuntuları ilə aparıb, “cinayət işi birinci səhifəsindən sonuncu səhifəsinədək saxtadır”, məhkəmə istintaqının ədalətli olacağına ümid edirik”.
Bu gün həbsdə olan Asif Əliyevin vəkili Abuzər Mütəllimovun RATİ-nin mətbuat mərkəzində keçirdiyi mətbuat konfransında söylədiyi əsas tezislər belə olub.
Asif Əliyevin həyat yoldaşı İlham Mirzəyevin dayısı qızıdır. Onların ailəsində baş verən münaqişədən sonra İlham Mirzəyevin şikayəti əsasında Asif Əliyev barəsində həbs-qətimkan tədbiri seçilib. O, Cinayət Məcəlləsinin 134-cü (Öldürməklə və ya sağlamlığa ağır zərər vurmaqla hədələmə), 127.2.3-cü (Qəsdən sağlamlığa az ağır qərər vurma), 221-ci (Xuliqanlıq) maddələri ilə ittiham olunur. İşin istintaqını Yasamal rayon Polis İdarəsi aparıb və hazırda Yasamal rayon məhkəməsinə göndərilib.
İlham Mirzəyein iddiasına görə, Asif Əliyev onun boğaz nahiyəsindən kəsici-deşici xəsarət yetirib. Bu barədə özəl klinika arayış verib və ekspert rəyi alınıb.
Vəkil ittihamları və istintaqı yalan adlandırıb. Onun sözlərinə görə, Asif Əliyev İlham Mirzəyevə hər-hansı xəsarət yetirməyib və onu hədələməyib. İlham Mirzəyev birinci şikayəti zamanı üç rayonda ərizə verib və heç birində xəsarət barədə yazmayıb. Yalnız ikinci ərizəsində xəsarət barədə istintaq orqanına bildirib.
“Müdafiə tərəfi İlham Mirəzeyin boynunda olan xəstəlikdən artıq bir neçə ildir ki, müalicə aldığını müəyyən edib və bu barədə onun müalicə aldığı klinikalardan arayış alıb istintaqa təqdim edib. Mirzəyev istintaqı aldadaraq boynundan kəsici-deşici xəsarət alması ilə bağlı məlumat verdikdən 3 gün sonra Spase televiziyasının canlı efirində veriliş aparıb və orada onun boynunda sarğı olmayıb, yaraları görünməyib. Kamera onu xəsarət aldığını göstərdiyi istiqamətdən hətta lap yaxından çəkib. Azercell telefon şirkətinin arayışından görünür ki, o, guya xəsarət aldığı kimi göstərdiyi ərazidən 10 kilometr aralıdan telefonla danışıb. Yol Polisinin videokameralarının qeydə aldığı videolarda da açıq görünür ki, İlham Mirzəyevin xəsarət aldığını göstərdiyi vaxtda həmin ərazidə olmayıb, ondan əvvəl avtomobilinə oturaraq əks istiqamətə gedib”, deyə vəkil qeyd edib.
Onun fikrində bütün bunlardan sonra istintaq cinayət işinə xitam verməli idi. Ancaq bu, olmayıb. “İbtidai istintaq bunu təmin etmədi. Ümid edirik ki, məhkəmə istintaqı bütün bunları təsdiq edib, cinayət işinə xitam verəcək”, deyə vəkil bildirib.
Abuzər Mütəllimov həmçinin istintaq dövründə Asif Əliyevə 150 min manat verməsi müqabilində işə xitam verilməsi barədə də təkliflərin olduğunu bildirib.
Asif Əliyevin anası Lyudmila Əliyeva da məhkəməni ədalətli qərar çıxarmağa çağırıb. -03C-
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz