![Rauf Mirqədirov Nəsimi məhkəməsinə aparılmayıb (YENİLƏNİB)](https://turan.az/resized/750/500/resize/media/2014/main/060600080788.jpg)
Rauf Mirqədirov Nəsimi məhkəməsinə aparılmayıb (YENİLƏNİB)
Saat 14:30-da Nəsimi Rayon Məhkəməsində jurnalist Rauf Mirqədirovun yanına notariusun buraxılmaması ilə bağlı şikayətə baxılması baş tutmayıb. Buna R.Mirqədirovun MTN təcridxanasından məhkəməyə aparılmaması səbəb olub.
İclas iyunun 9-u səhərə keçirilib. Bu barədə Turan-a vəkil Elmar Süleymanov bildirib.
R.Mirqədirov Ankaradan deportasiya olunarkən hüquqları pozulduğundan türkiyəli vəkillərin cəlb olunmasına zərurət yaranıb.
* Rauf Mirqədirov Türkiyədən deportasiya edildikdın sonra aprelin 19-da həbs olunub. O, Ermənistanın xeyrinə casusluqda ittiham olunub. Aprelin 21-də məhkəmə onun barəsində üç ay müddətinə həbs qətimkan tədbirini seçib. —16B06--
2014 İyun 06 (Cümə) 14:24:46
Bu gün Bakı Apellyasiya Məhkəməsi jurnalist Rauf Mirqədirovun doğmaları ilə görüş və telefon danışığı, habelə MTN istintaq təcridxanasında öz seçiminə görə mətbuata abunə yazılmaq hüquqlarının məhdudlaşdırılması ilə bağlı şikayətini təmin etməyib. Bu barədə Turan-a Mirqədirovun vəkili Elmar Süleymanov bildirib.
Onun sözlərinə görə, müdafiə tərəfi müstəntiqin qərarının saxta olduğunun etiraf ounması və müstəntiqin imzasının xətşünaslıq ekspertizasının keçirilməsi haqqında vəsatət qaldırıb. Süleymanov qeyd edib ki, müstəntiq İbrahim Ləmbəranskinin qərarında onun imzası yoxdur.
İşə Səbail məhkəməsində baxılarkən prokurorluğu başqa müstəntiq təmsil edirdi və o bildirib ki, cinayət işində bu qərarın altında Ləmbəranskinin imzası var. Ona bu sənədi göstərmək təklif olunduqda isə müstəntiq gedib və 15 dəqiqə sonra guya Ləmbəranskinin imzası olan qərarı təqdim edib.
“12-15 dəqiqədə Səbail rayon məhkəməsindən Ağır Cinayətlər üzrə İstintaq İdarəsinə getmək, imza almaq və geri qayıtmaq real deyil. Aydındır ki, müstəntiq Ləmbəranskinin imzasını saxtalaşdırıb. Özü də, o, Ləmbəranskinin başqa sənədlərin altındakı imzalarına bənzəmir”, deyə Süleymanov bildirib. Buna görə müdafiə tərəfi xətşünaslıq ekspertizasının keçirilməsində israr edirdi.
Saxtalaşdırılmış sənəd öz-özlüyündə Mirqədirovun hüquqlarının məhdudlaşdırılması üçün əsas ola bilməz, vəkil belə hesab edir. Lakin məhkəmə müdafiə tərəfin vəsatətini təmin etməyib.
Cümə günü günün ikinci yarısında Nəsimi rayon məhkəməsində Mirqədirovun notariusun türk vəkillərinə etibarnamə vermək üçün onun yanına buraxılmaması haqqında daha bir şikayətə baxılacaq. Türk vəkillərinin cəlb edilməsi zərurəti Mirqədirovun Ankaradan deportasiyası zamanı hüquqlarının pozulması ilə əlaqədardır. Müdafiə tərəfi hesab edir ki, o, deportasiya olunmayıb, faktiki olaraq, deportasiya olunub.
* R.Mirqədirov aprelin 19-da Türkiyədən deportasiya edildikdən sonra həbs olunub. O, Ermənisanın xeyrinə casusluqda ittiham olunub və aprelin 21-də məhkəmə onun barəsində üç ay müddətinə həbs-qətimkan tədbirini seçib.
Jurnalist ittihamı absurd sayaraq, ifadə verməkdən imtina edirdi. Lakin ötən gün o, bəzi məsələlərə aydınlıq gətirmək məqsədilə istintaqa ifadə vermək qərarına gəlib. -16B06-
-
- Cəmiyyət
- 6 İyun 2014 19:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz