Dövlətə xəyanətdə ittiham edilən jurnalist Rauf Mirqədirovun barəsində cinayət işi Bakı Ağır Cinayətlər Məhkəməsinə göndərilib. Bu barədə Turan-a vəkil Fuad Ağayev bildirib.
Müttəhim və müdafiə tərəfi iş materialları ilə tanış olublar. Vəkil qeyd edib ki, ittihamın hüquqi əsası yoxdur və R.Mirqədirov onu tamamilə redd edir.
Jurnalistin səhhəti ilə bağlı problemləri qalır.
** Rauf Mirqədirov 2014-cü ilin aprelində Türkiyədən deportasiya olunduqdan sonra həbs edilib. O, dövlətə xəyanət ittihamını qəti şəkildə rədd edir. Jurnalistin həmkarları və hüquq müdafiəçiləri hesab edirlər ki, həbsin əsl səbəbi onun Sülh və Demokratiya İnstitutunun direktoru Leyla Yunusun layihələrində iştirak etməsidir. L.Yunus özü də dövlətə xəyanətdə ittiham edilib.
Qeyd edək ki, L.Yunus və onun həyat yoldaşı Arif Yunusa qarşı dövlətə xəyanət ittihamı ayrıca icraata götürülüb və onlar iqtisadi cinayətlərə görə həbs olunublar.-16B06-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz