Respublikaçı Alternativ Hərəkatının (REAL) İdarə Heyətinin üzvü Azər Qasımlı ölkədən çıxışına qoyulan qadağa ilə bağlı Baş Prokurorluğun Ağır Cinayətlərə dair İşlər üzrə İstintaq İdarəsinin rəisi Eldar Əhmədova ərizə ilə müraciət edib. Bu barədə Turan-a Azər Qasımlının özü bildirib.
A. Qasımlı şəxsi işləri ilə bağlı 2 günlük İstanbula getməli imiş, lakin qoyulan qadağa buna maneə olub: “Biletimi də 2 həftə əvvəl almışdım. Ölkədən çıxışıma qoyulan qadağa tam qanunsuzdur. Haqqımda nə cinayət işi açılıb, nə də ki məhkəmənin hər hansı qərarı var. Qanuni əsas olmadan ölkədən çıxışımıza qadağa qoyulursa demək biz artıq avtoritarlıqdan totalitarlığa yuvarlanırıq. Belə davam etsə Azərbaycanın Şimali Koreyadan həqiqətən də heç bir fərqi olmayacaq. Bu gün siyasətçilərə qarşı bunu edirlərsə sabah hamıya qarşı edəcəklər. Lakin bilirəm ki, totalitar rejim qurmaq cəhdləri olsa da bunu etmək mümkün olmayacaq”.
Azər Qasımlı sentyabrın 28-də ölkədən çıxarkən Gürcüstanla sərhəddə Aqstafa rayonunun Böyük Kəsik keçid məntəqəsində saxlanılaraq geri qaytarılıb. Ona ölkədən hansı səbəblə buraxılmaması barədə heç bir məlumat verilməyib.-03B-
Cəmiyyət
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
Rəy yaz