“REAL” Hərəkatı İdarə Heyətinin üzvü Azər Qasımlının ölkədən çıxışına icazə verilməyib və sentyabrın 28-də Böyük Kəsik keçid məntəqəsində saxlanılıb. Bu barədə Turan-a A.Qasımlı bildirib.
“Gürcüstana gedirdim. Böyük Kəsik keçid məntəqəsində mənə bildirdilər ki, ölkədən çıxışıma qadağa qoyulub. Amma ölkədən çıxışa qadağa qoyulması barədə mənə əvvəlcədən hər hansı xəbərdarlıq edilməyib”, - o bildirib.
A.Qasımlı hesab edir ki, bu qadağa Baş Prokurorluq tərəfindən qoyula bilər: “Hərəkatın həbsdə olan sədri İlqar Məmmədovla bağlı hazırlanan flayerlərlə əlaqədar İdarə Heyətinin bütün üzvlərini o vaxt dindirdilər. Müstəntiqlə də danışdım, mənə dedi ki, saat 9:00-da işə gəlib araşdıraraq cavab verəcək”.
A.Qasımlı hələlik keçid məntəqəsində olduğunu, müstəntiqin cavabını gözlədiyini deyib.
Xatırladaq ki, REAL Hərəkatı qurumun sədri İlqar Məmmədovla bağlı flayerlər (plakatlar) hazırlanmasını şifariş verib. İlk sifariş “Qanun” nəşriyyatına verilib. Plakatlar hazır olduqda “binada bomba olması” adıyla polisin axtarış apardığı və plakatları müsadirə etdiyi deyilir. Yayda ikinci dəfə o qədər də tanınmayan bir mətbəəyə sifariş verilib. Hərəkatın iki üzvü plakatları gətirməyə getdikdə saxlanılıblar. Bundan sonra Hərəkatın icra direktoru saxlanılıb, İdarə Heyətinin üzvləri plakatların hazırlanması ilə bağlı Baş Prokurorluğun Ağır Cinayət İşləri üzrə İstintaq İdarəsində dindiriliblər.-16d-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz