“Nikoil” Bank bazarda yeni tendensiyalara uyğun olaraq faiz dərəcələrini yeniləyib. Bu barədə bankdan bildiriblər.
Bankın Marketinq Departamentinin direktoru Rəşad Cümşüdov Turan-ın müxbirilə söhbətində deyib ki, bazarın tələblərinə uyğun olaraq depozitlər üzrə faiz dərəcələrinə dəyişiklik edilib.
“Bank 18,2% səviyyəsində maksimum faiz dərəcəsi müəyyən edib. Bu, uzunmüddətli depozitlərə aiddir. Lakin müştəri istəsə uzunmüddətli depozitin sığorta olunan əmanətlər səviyyəsində, yəni 15% səviyyəsində yerləşdirilməsinə imkan yarada bilərik. Eyni qayda valyuta depozitlərinə də şamil edilir. Uzunmüddətli valyuta depozitləri üçün 5% müəyyən etmişik”, - o vurğulayıb.
Bununla yanaşı bank əvvəllər 12% ilə yerləşdirilən milli valyuta depozitlərinin də faiz dərəcəsini artırıb.
“Əvvəllər sığorta edilən depozitlərin faiz dərəcəsi 12% səviyyəsində idi və bu, ən populyar depozit olub. Əmanətlərin Sığortalanması Fondu sığorta edilən əmanətlər üzrə faiz dərəcəsini artırdıqdan sonra biz də populyar depozitləri 12%-dən 15%-ə qaldırdıq”, - E.Cümşüdov bildirib.
Qeyd edək ki, sentyabrın 21-də bankın səhmdarları nizamnamə kapitalının 184 mln. 500 min manatadək artırılması barədə qərar qəbul ediblər. 71В
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz