Şənbə günü Respublikaçı Alternativ (ReAl) vətəndaş hərəkatının qərargah-mənzilində təşkilatın sədri İlqar Məmmədovun həbsinin 4-cü ildönümünə həsr olunmuş açıq məktub günü keçirilib.
Səhər saat 10-dan etibarən ReAl hərəkatının üzvləri, vətəndaşlar, fəallar, vətəndaş cəmiyyəti nümayəndələri İlqar Məmmədova onun tezliklə həbsdən azad olunması arzularının yer aldığı məktublar yazıblar.
Tədbirdə çıxış edən ReAl idarə heyətinin üzvləri Erkin Qədirli, Natiq Cəfərli və başqaları qeyd ediblər ki, 4 illik qanunsuz həbs İlqar Məmmədovu sındırmayıb. Hakimiyyətin digər məqsədinə - hərəkatın zəiflədilməsinə də nail olunmayıb. "İlqar Məmmədovun respublika ideyalarına və siyasətçi prinsiplərinə sadiqliyi yaxın gələcəkdə kütləvi partiyaya çevriləcək ReAl-ın cəmiyyətdə məşhurluğunu daha da artırdı", deyə Erkin Qədirli bildirib.
İlqar Məmmədov 2013-cü il fevralın 4-də İsmayıllı rayonunda kütləvi iğtişaşların təşkili ittihamı ilə 7 il müddətinə həbs olunub. Avropa İnsan Hüquqları Məhkəməsi İlqar Məmmədovun həbsinin siyasi motivli olduğu qənaətinə gəlib və onun azad edilməsi haqqında qərar qəbul edib. -08С-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz