Lənkəran Ağır Cinayətlər Məhkəməsi bu gün Zərdab rayon prokurorluğunun keçmiş müstəntiqi Rüfət Səfərovu 9 il müddətinə azadlıqdan məhrum edib. O, məhkəmə zalındaca həbs edilib. Məhkəmə qərarı tələsik verib, vəkilə və müttəhimə son sözə hazırlaşmaq üçün belə imkan verməyiblər.
Vəkil Bəhruz Bayramov baş verənləri “biabırçılıq” adlandırıb və bildirib ki, bu qərardan şikayət verəcək. -06В-
2016 Sentyabr 08 (Cümə axşamı) 11:28:41
Lənkəran Ağır Cinayətlər Məhkəməsində Zərdab rayon Prokurorluğunun keçmiş müstəntiqi Rüfət Səfərovun cinayət işi üzrə məhkəmə prosesi davam edib. Bu barədə Turan-a Rüfət Səfərov özü bildirib.
Onun sözlərinə görə, müdafiə çıxışına hazırlaşmaq üçün məhkəmədən bir həftə vaxt istənilib. Hakim isə müdafiə çıxışına hazırlaşmaq üçün bu gün saat 16.30-dək vaxt verib.
Rüfət Səfərov Turan-a müsahibəsində bildirib ki, Lənkəranda onların tez bir zamanda müdafiə çıxışı hazırlamaları üçün hər hansı texniki imkanları yoxdur. Bu səbəbdən də müdafiə nitqini effektiv qura bilmirlər.
“Mənə qarşı olanlar bir repressiyadır. Sadəcə, çalışırlar ki, repressiya maşınının təkərləri altında məni əzsinlər. Amma kimin kimi əzəcəyini zaman göstərəcək”, - o qeyd edib.
Xatırladaq ki, dünən məhkəmə istintaqı başlayıb və günün birinci yarısında şahid ifadələrindən imtina edib. Lakin günün ikinci yarısında həmin şahid yenidən məhkəməyə qaytarılıb və o,
ifadəsini təsdiq edib. Müdafiə tərəfi şahidin təzyiq altında ifadəsini təsdiq etdiyini bildirib. Bundan sonra məhkəmə digər şahidlərin ibtidai istintaqa verdiyi ifadələri diqqətə çatdırmaqla kifayətlənib. Beləliklə, məhkəmə istintaqının başa çatdığı elan edilib və dövlət ittihamçısı R.Səfərova 10 il həbs istəyib.
R.Səfərov parlamentin keçmiş deputatı, hakim Yeni Azərbaycan Partiyasının yaradıcılarından biri Eldar Sabiroğlunun oğludur. E.Sabiroğlu ötən il Prezident Administrasiyasının rəhbəri Ramiz Mehdiyevin ünvanına sərt çıxışlar edib. Dekabrda R.Səfərov qanunçuluğu pozmasına və hüquq-mühafizə orqanlarının pis işinə görə hakimiyyəti açıq tənqid edib. O, prokurorluq orqanlarından çıxdığını bildirib. Öz növbəsində prokurorluq bəyan edib ki, R.Səfərov “prokurorluq işçisinə yaraşmayan hərəkətə” görə çıxarılıb.
Yanvarın 15-də R.Səfərov rüşvət almaq ittihamı ilə həbs olunub. Lakin yanvarın 22-də o, ev dustaqlığına buraxılıb. R.Səfərov ittihamı rədd edib və cinayət işinin sifariş olduğunu bildirib.-03B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz