Photo TURAN.
Bakı/07.10.22/Turan: Cümə günü Demokratiya və Rifah Partiyasının fəalları Rusiyanın Bakıdakı səfirliyinin binası qarşısında etiraz aksiyası keçirməyə cəhd ediblər. Onlar Qarabağa sülhməramlı kimi gətirilən rus qoşunlarının çıxarılmasını tələb ediblər.
Aksiya iştirakçıları “İşğalçı rus ordusu, Qarabağdan çıx!” plakatlarını qaldırıblar.
İştirakçılar Azərbaycan və Ukraynanın bayraqlarını qaldıraraq “Rədd olsun işğalçı qoşunlar!” şüarını səsləndiriblər.
Onlar Ukraynaya qarşı müharibəni “soyqırım” adlandırıblar.
“Rusiya ordusu Xocalı faciəsini, “Qanlı yanvar”ı törədib. Onları Azərbaycana dəvət edənlər xalq qarşısında açıqlama verməlidirlər. Nə qədər ki Rusiya ordusu qalacaq, işğal bitməyəcək”, - etirazçılar bildiriblər.
Polis səfirliyə gedən yolda iştirakçıların qarşısını kəsib. Nümayişçilər Azərbaycan hökumətinin əleyhinə şüarlar səsləndirməyə başlayanda polis onları dağıdıb, iki iştirakçını - Nizami Haqverdiyev və Hüseyn Məliki saxlayıb. 06B
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz