Ruslan İzzətlinin təcili əməliyyata ehtiyacı var
Həbs edilmiş "III Respublika Platforması"nın üzvü Ruslan İzzətlinin öddaşı xəstəliyi ilə əlaqədar təcili cərrahi əməliyyata ehtiyacı var. Bu barədə onun həyat yoldaşı Günel Manaflı bildirib.
"Ruslanın həbsindən sonra onun həkimi ilə məsləhətləşdim, o, dərmanların artıq ona kömək etmədiyini, təcili əməliyyata ehtiyac olduğunu deyib. Onun hər an tutması ola bilər, buna görə əməliyyat lazımdır", deyə Manaflı bildirib.
O, öz narahatlığını ombudsmanın köməkçisinə çatdırıb və xəstəliyin ərinin həyat və sağlamlığına istənilən mənfi nəticələrinə görə dövlətin məsuliyyət daşıyacağını bildirib.
Martın 11-də İzzətlinin həyat yoldaşı ilə qısa telefon danışığı olub. "Biz təxminən iki dəqiqə danışdıq. Vəkil hələ Ruslanla görüşməyib, lakin apellyasiya şikayəti verib", deyə Günel Manaflı əlavə edib.
* İzzətli martın 8-də saxlanılıb və növbəti gün pul qaçaqmalçılığı ittihamı ilə 4 ay müddətinə həbs olunub. Elə həmin iş üzrə Toplum TV-nin və Demokratik Təşəbbüslər İnstitutunun 8 əməkdaşı prosesə cəlb edilib.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz