Sabiq rabitə naziri Elmlər Akademiyasının müşaviri oldu

Bakı/24.05.17/Turan: Sabiq rabitə və informasiya texnologiyaları naziri Əli Abbasov Azərbaycan Milli Elmlər Akademiyasının (AMEA) müşaviri təyin olunub. Bu barədə çərşənbə günü Rəyasət Heyətinin iclasında Akademiyanın prezidenti Akif Əlizadə bildirib.

Xatırladaq ki, Abbasov 2004-2015-ci illərdə rabitə və informasiya texnologiyaları naziri vəzifəsində çalışıb.

O, 2015-ci il noyabrın 12-də İlham Əliyev tərəfindən səbəbi göstərilmədən işdən azad edilib. Amma onun işdən azad edilməsi Rabitə Nazriliyini və Milli Təhlükəsizlik Nazirliyini əhatə etmiş qalmaqal və xüsusilə böyük ölçüdə korrupsiya və fırıldaqçılıq faktları üzrə cinayət işinin açılması ilə eyni vaxta təsadüf edib.

Rabitə Nazriliyi və ona tabe olan təşkilatların 10-dan çox yüksək vəzifəli məmuru həbs edilib və uzunmüddətli azadlıqdan məhrumetmə cəzası alıb. Mənimsəmələrin ümumi məbləği 70 mln. manatdan artıq olub.

Qeyd edək ki, Rabitə Nazirliyinin məmurlarının həbsi MTN-in Rabitə Nazirliyinin vasitələrindən istifadə ilə buna bənzər cinayətlərdə ittiham olunan 20-dən çox zabitinin həbsi ilə eyni vaxta təsadüf edib. -71D-

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti