Bakı/24.05.17/Turan: Şopinq Festivala 700 min manat xərclədik, büdcəyə 5,6 milyon manat vəsait daxil oldu, - bunu mədəniyyət və turizm naziri Əbülfəs Qarayev Bakı Şopinq Festivalının nəticələrinə həsr olunan tədbirdə deyib.
Onun sözlərinə görə, 23 min 242 hesab-faktura verilib. Bakı Şopinq Festivalının ümumi dövriyyəsi 18 milyon 167 min 892 manat olub. Alıcılara 1,8 mln manat ƏDV qaytarılıb.
Nazir deyib ki, 15 ölkə üzrə 2017-ci ilin aprelində ötən ilin eyni dövrünə nisbətən turist sayı 23% artıb, mayın ilk 10 günündə isə turist sayı 32% artıb.
O deyib ki, , bu ilin axırına qədər bütün festivalların keçirilməsi nəticəsində büdcəyə 40-50 milyon vəsaitin daxil olmasına nail olunacaq. Yəni ikinci festivaldan gəlir 35-45 mln manat olacaq.
Vergilər nazirinin müavini Sahib Ələkbərov bildirib ki, 3 min əcnəbiyə ƏDV qaytarılıb.
Qeyd edək ki, festivalın nəticələri şişirdilib. Ondan başlayaq ki, festivalın keçirilmədiyi 2016-cı ilin eyni dövrünə nisbətən hesab-faktura və dövriyyənin analizi aparılmayıb. Bunsuz mənzərə dumanlı olur. Rəsmi məlumata görə, ilk iki həftədə 8 min hesab-faktura tərtib edilib. Bunun 505-i əcnəbilər üçün tərtib olunub. Yekun statistikaya inansaq, alıcılar, o cümlədən turistlər festivalın II hissəsində aktivləşib, bundan sonra hesab-fakturaların sayı 8 mindən 23 min 242-yə, əcnəbilər üçün hesab-faktura sayı 505-dən 3 minə artıb.
Turistlərin sayı barədə deyilənlər də şübhə doğurur. Çünki Bakı küçələrində adi monitorinq göstərdi ki, əcnəbilərin sayı artmayıb, hətta son illər vərdiş elədiyimiz ərəb ölkələrindən əvvəlki qədər turist kütləsi də yox idi. --71D-
İqtisadiyyat
-
Özbəkistanın “Özbəkneftqaz” dövlət neft-qaz şirkəti Azərbaycanın Xəzər şelfindəki “Şahdəniz” qaz-kondensat layihəsində iştirak payının alınması ilə bağlı saziş bağlamağa yaxındır. Bu barədə mayın 21-də keçirilən II Azərbaycan-Özbəkistan Regionlararası Forumunda Özbəkistanın investisiya, sənaye və ticarət naziri Laziz Kudratov bildirib.
-
Azərbaycan və Özbəkistan ikitərəfli münasibətlərin möhkəmləndirilməsi istiqamətində bir addım olaraq, Azərbaycan prezidenti İlham Əliyevin avqustda Özbəkistana gözlənilən dövlət səfərinə hazırlıqla bağlı yol xəritəsi imzalayıb. Saziş Azərbaycanın Quba şəhərində keçirilən II Azərbaycan-Özbəkistan Regionlararası Biznes Forumu çərçivəsində Azərbaycanın iqtisadiyyat naziri Mikayıl Cabbarov və Özbəkistanın investisiya, sənaye və ticarət naziri Laziz Kudratov tərəfindən imzalanıb.
-
Azərbaycan Mərkəzi Bankı (AMB) iki bank olmayan kredit təşkilatı – “Finca Azerbaijan” və “PSG Finance”a maliyyə qanunlarını pozduqlarına görə cərimələr tətbiq etməklə qeyri-qanuni maliyyə ilə bağlı qanunların icrası istiqamətində mühüm addımlar atıb. Bu hərəkət Mərkəzi Bankın ölkədə çirkli pulların yuyulmasına və terrorçuluğun maliyyələşdirilməsinə qarşı mübarizədə davamlı öhdəliyini vurğulayır.
-
Bu gün Azərbaycanın Quba şəhərində açılan II Azərbaycan-Özbəkistan Regionlararası Forumunun məqsədi iki ölkənin regionları arasında müxtəlif sektorlar üzrə əməkdaşlığın öyrənilməsi və genişləndirilməsidir. İxracın və İnvestisiyaların Təşviqi Agentliyinin (AZPROMO) təşkilatçılığı, Azərbaycanın İqtisadiyyat Nazirliyi və Özbəkistanın İnvestisiya, Sənaye və Ticarət Nazirliyinin dəstəyi ilə keçirilən bu forum regional əlaqələrin möhkəmləndirilməsi üçün əsas tədbirdir.
Rəy yaz