Zakir Fərəcov və iş adamları. Kollaj bakunews.az
Bakı/15.02.18/Turan: Sumqayıt Şəhər İcra Hakimiyyətinin başçısından şikayət edən bir qrup sahibkarın Prezident Administrasiyasına gedişi onların birinin həbsilə nəticələnib.
2016-2017-ci illərdə Sumqayıtda yeni dənizkənarı bulvarın tikintisində iştirak edən bir qrup sahibkar növbəti dəfə Prezident Administrasiyasına üz tutub. Onların məqsəd Sumqayıt Şəhər İcra Hakimiyyətinin onlara olan borcunu almaq üçün ali icra hakimiyyətindən yardım istəmək olub.
Sahibkarlar bildirirlər ki, Sumqayıtda yeni dənizkənarı bulvarın tikintisinə görə onlara 12 mln. manat verilməlidir. Tikinti işləri başa çatdıqdan sonra bulvarın idarə edilməsi üçün "Sumqayıt Bulvarı" məhdud məsuliyyətli cəmiyyət (MMC) yaradılıb.
Sahibkarlar Sumqayıt Şəhər İcra Hakimiyyətinin başçısı Zakir Fərəcovdan həmin borcun ödənilməsini tələb edirlər.
Prezident Administrasiyası isə şikayətçiləri yenidən Sumqayıt icra başçısının yanına göndərib. Bu gün Zakir Fərəcov onları qəbul edib və məsələni yoluna qoyacağını vəd edib. Ancaq görüşdən sonra sahibkarlardan biri, Ruslan Allahverdiyev polis tərəfindən saxlanılıb, bakunews.az bildirib.
Sumqayıt Şəhər Polis İdarəsindən Turan-a bildiriblər ki, onlarda R. Allahverdiyevin saxlanması barədə məlumat yoxdur.
Baş verənlərdən sonra sahibkarlar yenə şıkayətlə Prezident Administrasiyasına üz tutublar.
Bundan öncə, yanvarın 29-da Sumqayıt Şəhər İcra Hakimiyyətinin mətbuat xidmətindən bildirilmişdi ki, nə Sumqayıt Şəhər İcra Hakimiyyəti, nə icra başçısı Zakir Fərəcov, nə də İcra Hakimiyyətinin hər hansı digər rəsmi nümayəndəsi bu borclara görə məsuliyyət daşımır.
"Sumqayıt Şəhər İcra Hakimiyyəti borcu tələb edən şəxslərlə nə müqavilə, nə də digər saziş bağlamış tərəf deyil. Həmin borca görə məsul şəxs mənimsəmə ittihamı ilə həbs edilib", - "Sumqayıt Şəhər İcra Hakimiyyətinin mətbuat xidmətinin nümayəndəsi Eyvaz Qocayev bildirib.-0-
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz