Açiq mənbələrdən foto.
Bakı/13.06.22/Turan: Ötən gün axşam Şamaxı rayonunda "Mercedes" markalı avtobus qəza törədib. Avtobusda Bakıdakı 279 saylı məktəbin şagirdləri, valideynlər və müəllimlər daxil olmaqla, 50-yə yaxın adam olub. Onlar Şamaxı rayonuna birgünlük ekskursiyadan qayıdırmışlar. “Acı dərə” ərazisində avtobus yol kənarındakı hasara çırpılıb.
Tibbi Ərazi Bölmələrini İdarəetmə Birliyindən bildiriblər ki, qəza nəticəsində xəsarət alan 11 nəfər Şamaxı Rayon Mərkəzi Xəstəxanasına çatdırılıb. 10 nəfər ilkin tibbi yardım göstərildikdən sonra evə buraxılıb. Sol topuq və bud sümüyünün sınığı diaqnozu qoyulan digər zərərçəkmiş Bakıdakı tibb müəssisəsinə göndərilib və o, cərrahi əməliyyat olunacaq.
Bundan əlavə, vəziyyəti orta ağır olan iki məktəbli Qobustan Rayon Mərkəzi Xəstəxanasına çatdırılıb.
Həkimlər onlardan birinə baldır sümüyünün sınığı, digərinə isə bud sümüyünün sınığı diaqnozu qoyublar. Onlar da Bakıya, Tibbi Ərazi Bölmələrini İdarəetmə Birliyinin tabeliyindəki xəstəxanaya aparılıblar. Lakin valideynlər uşaqları özəl tibb müəssisələrinə götürüblər.
Daxili İşlər Nazirliyinin mətbuat xidmətindən Turan-a bildiriblər ki, faktla bağlı nazirliyin Baş İstintaq və Təhqiqat İdarəsində Cinayət Məcəlləsinin 263.1-ci maddəsilə (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olduqda) cinayət işi başlanıb. —06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz