Sosial şəbəkələrdə öz satirik şerləri ilə tanınan Tofiq Həsənli oktyabrın 12-i axşamdan yoxa çıxıb.
Onun anası özünün videomüraciətində bildirib ki, onu, məhz satirasına görə oğurlayıblar. “O, ətrafında gördüyü hər şeyi şerə çevirirdi”, - ana bildirib.
Şahidlərin sözlərinə görə, satirik saat 21:00-a yaxın Qala qəsəbəsində baş verib. O, mağazaya girərkən naməlum şəxslər onu maşına əyləşdirərək aparıblar.
Turan agentliyinin sorğusuna cavab olaraq DİN-dən bildirilib ki, T.Həsənlinin oğurlanması barədə məlumat daxil olmayıb.
“Ailə üzvləri polisə müraciət etməli və ya 102 saylı nömryə zəng etməlidirlər”, - DİN mətbuat xidmətindən qeyd olunub.
Xatırladaq ki, T.Həsənli öz şerlərində hakimiyyəti, vəhabiləri, dövlət məmurlarını kəskin tənqid edir.
Bu günlərdə o, öz bloqunda (http://www.tofiqhesenli.com/ictimai/polad-qalxanlara-q%C9%99l%C9%99m-cirpiram/) dərc etdiyi şerdə parlament üzvlərini və yüksək vəzifəli məmurları tənqid edib.-03B-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz