![Açiq mənbələrdən foto.](https://turan.az/resized/media/2022/main/020400044332-750-500-resize.webp)
Açiq mənbələrdən foto.
Sayt sahibi nəşri facebook-dan silməkdən imtina etdiyinə görə cərimə edilib
Bakı/04.02.22/Turan: Azərmedia MMC - yeniavaz.az saytının sahibi tənqidi material dərc etdiyinə görə 1500 manat cərimə olunub.
Bu qərarı fevralın 3-də Bakının Nəsimi rayon məhkəməsi Baş Prokurorluğun təqdim etdiyi inzibati protokol əsasında qəbul edib.
"Azərmedia" rəhbəri Anar Qaraxançallının sözlərinə görə, yanvarın 20-də o, Baş Prokurorluğa çağırılıb, orada ondan facebook-da yeniavaz.az səhifəsindən "Prokurorluq: Tofiq Yaqublu özünü yumruqlayaraq bu hala salıb" sərlövhəli nəşrinin linkini silməyi tələb ediblər. https://www.facebook.com/yeniavaz2016/posts/4803980149690413
Məqalə özü yeniavaz.az saytında dərc edilib: https://www.yeniavaz.com/az/news/186737/prokurorluq-tofiq-yaqublu-ozunu-yumruqlayaraq-bu-hala-salib-fotolar?fbclid=IwAR27nbstPLhTJIw4VxjWUX86nfeCzUM3EoWAYGL_BLv-sOjvvc7jNoQ83Ss).
Bu material Səbail rayon prokurorluğunun müxalif siyasətçi Tofiq Yaqublunun polis tərəfindən saxlanıldıqdan sonra döyülməsi haqqında cinayət işi açmaqdan imtina etməsinə həsr olunub.
Səbail rayon prokurorluğu Tofiq Yaqublunun polis bölməsində "özünü divara çırpıb", bəzən isə "əlləri ilə özünə zərbələr vurub" qənaətinə gəlib.
Qaraxançallının sözlərinə görə, Baş Prokurorluğun iddiası məqalənin məzmunu deyil, onun sərlövhəsi və facebook istifadəçilərinin şərhi ilə bağlı idi. Ona bu sərlövhənin müvafiq, yəni tənqidi şərhlərə səbəb olduğunu deyiblər.
Ondan nəşri facebookdan silməyi tələb ediblər, bu, şərhlərin də avtomatik olaraq silinməsi demək olacaqdı.
Amma Qaraxançallı istifadəçilərin şərhlərinə görə nəşrin cavabdeh olmadığına istinad edərək, bunu etməkdən imtina edib.
Bundan sonra saytın təsisçisinə qarşı 388-1.1.2-ci (internet informasiya ehtiyatında yerləşdirilmiş yayılması qadağan edilən informasiyanın götürülməsi ilə bağlı “İnformasiya, informasiyalaşdırma və informasiyanın mühafizəsi haqqında” Azərbaycan Respublikasının Qanunu ilə müəyyən edilmiş tədbirlərin görülməməsi) maddə ilə inzibati iş açılıb və bu iş Nəsimi rayon məhkəməsinə göndərilib.
Məhkəmə işə fevralın 3-də baxıb.
"Prosesdə prokurorluq nümayəndəsi bildirib ki, saytın rəhbərliyinin böhtan, təhqir xarakterli şərhləri silmək öhdəliyi yoxdur və sayt buna görə məsuliyyət daşımır", deyə Azərmedia-nın vəkili Nemət Kərimli Turan-a bildirib.
Amma, onun sözlərinə görə, heç bir qanun pozuntusu olmayıb. "Heç bir qanunda, nəşrdə qanunsuz bir şey yoxdursa, onu silmək öhdəliyi yoxdur. İstifadəçilərin şərhlərinə gəlincə, nəşr onlara görə məsuliyyət daşımır", deyə Kərimli qeyd edib.
Bununla belə, hakim Baş Prokurorluğun protokolu əsasında Azərmedia-nı 1500 manat (900 dollar) cərimə edib. Vəkil bildirib ki, qərardan apellyasiya şikayəti veriləcək.
Yanvarın 24-də Baş Prokurorluq "Azərmedia MMC" barəsində inzibati işin məhkəməyə verildiyini bildirib. Eyni zamanda, facebook-da yeniavaz.az səhifəsində qanunvericiliyə zidd məzmunun yayılmasına görə vətəndaş Namiq Əliyevin bir ay müddətinə inzibati həbs cəzasına məhkum edildiyi bildirilib. -06В-
-
- İqtisadiyyat
- 4 Fevral 2022 12:14
-
- Maliyyə
- 4 Fevral 2022 12:24
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz