![Seçki tərəfdaşları seçki fəaliyyətlətilə bağlı birgə bəyanat yaydılar](https://turan.az/resized/media/2015/main/090400128526-750-500-resize.webp)
Seçki tərəfdaşları seçki fəaliyyətlətilə bağlı birgə bəyanat yaydılar
Qarşıdakı parlament seçkilərində fəaliyyətlərinin uzlaşdırılması haqda razılığa gələn Müsavat Partiyası, “REAL” və “NİDA” Vətəndaş Hərəkatları birgə bəyanat yayıblar.
Seçki tərəfdaşları azad seçki şərtlərinin minimum həddə olmasına baxmayaraq, hakim korrupsion, avtoritar və klientalist sistemə qarşı mübarizənin fasiləsizliyi və ardıcıllığı baxımından 2015-ci il parlament seçkilərinə qatılmağı uyğun görürlər.
Sənəddə deyilir ki, seçki tərəfdaşları parlament seçkilərinə hazırlıq, namizədlərin irəli sürülməsi, dairələr üzrə irəli sürülən namizədlərin qeydiyyatı, qeydə alınmış namizədlərin seçki kampaniyası dövründə bir-birinin əleyhinə təbliğat aparmamaları, seçki dairələri üzrə vahid namizədlərin müəyyənləşməsi imkanlarını araşdırmaq barədə razılığa gəlirlər.
Tərəflər seçki kampaniyası dövründə yol verilən qanun pozuntularının birgə monitorinqinin aparılması, seçki günü birgə müşahidənin təşkili, qanun pozuntuları və saxtakarlıqlara münasibətdə ümumi mövqenin müəyyənləşməsi, seçkilərin nəticəsi haqqında birgə yekun rəyin hazırlanması barədə də razılığa gəlirlər.
Xatırladaq ki, bu il Azərbaycanda parlament seçkilərinin noyabrın 1-də keçirilməsi haqda sərəncam izmalanıb. -05D-
-
- Cəmiyyət
- 4 Sentyabr 2015 16:38
-
- İqtisadiyyat
- 4 Sentyabr 2015 17:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz