Sədərək gömrüyündən Naxçıvan sakinlərinə məhdudiyyət
Martın 3-dən Naxçıvanın Sədərək gömrük-keçid məntəqəsində Türkiyəyə gedən Naxçıvan sakinlərinin hərəkətinə məhdudiyyətlər tətbiq edilib.
Belə ki, bu qadağaya qədər sakinlər həftədə bir dəfə alış-veriş üçün Türkiyəyə gedə bilirdilər. Martın 3-dən yalnız ayda bir dəfə getməyə icazə verilir: “Bu addım insanları çörək qazanmaqdan məhrum etmək deməkdir, belə ki, hər həftə Türkiyəyə gedərək apardığı 100-150 litr salyarkanı satan Naxçıvan sakinləri onun puluna nəsə alıb qayıda bilirdilər. İndi bundan da məhrum oldular”, - sakinlərdən biri bildirib.
Bu qərara etiraz olaraq sürücülər yolları bağlayaraq bir saata yaxın bağlı saxlayıblar, sonradan təzyiq vasitəsilə yolu açıblar.
Mənbə deyib ki, problem bununla bitmir, geyim, mebel gətirilməsinə də qadağa qoyulub: “Əvvəl belə idi ki, ikinci əl paltarlar gətirməyə icazə vermirdilər, yeni paltar gətirəndə isə rüsum alırdılar, indi, ümumiyyətlə, qadağan edirlər”.
Mebel gətirilməsinə də qadağa qoyulub və sakinlərdən Naxçıvanda istehsal edilən mebel alınmasını tələb edirlər.
Mənbənin dediklərinə görə, bütün bunlarda məqsəd Naxçıvanın səlahiyyət sahiblərinin sadə vətəndaşların cüzi olan qazanc yollarını bağlamaq, bu cüzi qazancı da öz əllərinə keçirmək cəhdidir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz