• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(4 saat əvvəl)
Səfir Morninqstar Gənc Liderlik Proqramının iştirakçilarını qəbul edib
A- A A+
EN RU
Turan İnformasiya Agentliyi
Turan İnformasiya Agentliyi

Səfir Morninqstar Gənc Liderlik Proqramının iştirakçilarını qəbul edib

Bu gün ABŞ səfirinin iqamətgahında   Gənc Liderlik Proqramının azərbaycanlı finalistləri və məzunları, habelə amerikalı iştirakçıları, onların ailələri üçün qəbul təşkil edilib.

Tədbirdə bu yay ABŞ-dan Azərbaycana gələn proqram iştirakçıları, eyni zamanda, ABŞ-a gedəcək azərbaycanlı iştirakçılar və keçən il ABŞ-dan Azərbaycana gələn iştirakçılar toplanıblar.
Tədbirdə çıxış edən  ABŞ-ın Azərbaycandakı səfiri Riçard Morninqstar öz çıxışında bildirib ki, bu tədbir onun üçün çox önəmlidir.
"Hesab edirəm ki, bu proqram çox önəmlidir, çünki bu proqram Azərbaycanı amerikalılara və ABŞ-ı azərbaycanlılara tanıtdırmağa kömək edir. Bu proqramların hamısı ABŞ-ın Azərbaycanla əlaqələrinin daha da gücləndirilməsinə xidmət edir".deyə səfir  qeyd edib.
Daha sonra beynəlxalq təhsil üzrə Amerika Şurasının yeni ölkə direktoru Judi Blangesşept  çıxış edib.
  “Biz öz fəaliyyətimizlə çalışmalıyıq ki, Gənc Liderlik Proqramı yalnız proqram iştirakçılarına deyil, eyni zamanda bu proqramda  iştirak fürsəti olmayan bütün insanlara müsbət təsirini  göstərsin.”deyə o bidirib.
 
 Proqramın məqsədi müxtəlif etnik, dini və ictimai qruplardan olan amerikalı və azərbaycanlı məktəblilər, müəllimlər və icmalar arasında əlaqələri genişləndirmək və iki ölkə arasında əlaqələri möhkəmləndirməkdir.
Gənc Liderlik Proqramı (GLP) qısa müddətli mədəni və təhsil proqramıdır; məqsədi müxtəlif etnik, dini və ictimai qruplardan olan ABŞ və Azərbaycan məktəbliləri, müəllimləri və icmaları arasında əlaqələri genişləndirmək və iki ölkə arasında əlaqələri möhkəmləndirməkdir. Proqram çərçivəsində olan fəaliyyətlər gənc iştirakçılarda vətəndaş cavabdehliyi və icmaya xidmət öhdəliyi yaradacaq.
 
2012-ci ilin yay aylarında 34 azərbaycanlı orta məktəb şagirdi və altı müəllim/icma rəhbərindən ibarət qrup ABŞ-a səyahət edib və proqramın həyata keçirildiyi yerlərə – Vaşinqton ştatının Sietl və Arizona ştatının Tempe şəhərlərinə və Vaşinqton, Kolumbiya mahalına səfər ediblər.  Eyni zamanda 17 amerikalı orta məktəb şagirdi və üç müəllim/icma rəhbərindən ibarət qrup Azərbaycana səyahət edib proqramın həyata keçirildiyi Bakı, Gəncə və Şəki şəhərlərinə üç həftəlik səfər ediblər.  Bu səfərlər çərçivəsində 15-17 yaşlı azərbaycanlı iştirakçılar və müəlllimlər/icma rəhbərləri üç həftəlik proqramda iştirak ediblər.  Bu yay daha bir qrup azerbaycanlı məktəblilər Amerika Birləşmiş Ştatlarına səfər edəcəklər və amerikalı məktəblilər də Azərbaycana gələcəklər. -16D-

Rəy yaz

Cəmiyyət

Bizi sosial şəbəkələrdə izləyin

Xəbər lenti