Şəkidə ağacın budağının qopması nəticəsində xəsarət alanlardan 6 nəfəri xəstəxanadadır
Bakı/15.07.19/Turan: Ötən gün Şəkidə Xan Sarayının yaxınlığında çinar ağacının budağının qopması nəticəsində xəsarət alanlardan 6 nəfəri hələ də xəstəxanadadır. Bu barədə Səhiyyə Nazirliyi bazar ertəsi məlumat yayıb.
Xatirə Ağamalıyeva və Elxan Məmmədov Şəki Mərkəzi Rayon Xəstəxanasındadır.
X.Ağamalıyevanın (sağ baldır sümüyünün çox qəlpəli sınığı, travmatik şok) vəziyyəti ağırdır, E.Məmmədovun (onurğanın qapalı travması) vəziyyəti orta-ağırdır.
Kliniki Tibbi Mərkəzdə (KTM) müalicə alan İlkin Məmmədovun (ağır dərəcəli kəllə- beyin travması, sağ ayaqda sınıq), Sara Hasan (sağ bud sümüyünün qapalı travması çanaqda), Farik Hasan (sol incik sümüyünün sınığı), Al Hasan Samirənin (sağ baldır sümüyünün yerdəyişən sınığı) vəziyyətləri ağır stabildir, həyati təhlükələri yoxdur.
Çinarın budağının qopması nəticəsində 19 nəfər, o cümlədən iki RF vətəndaşı və beş suriyalı xəsarət alıb. Tibbi yardım göstərildikdən sonra 13 nəfər evə buraxılıb.06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz