Bakı/15.07.19/Turan: Gürcüstanın Daxili İşlər Nazirliyi Azərbaycanla sərhəddə "Keşikçidağ/David Qareci" monastr kompleksində baş vermiş insident faktını tanıyıb.
Gürcüstan DİN ictimaiyyəti, vətəndaş qruplarını "Gürcüstan və Azərbaycan arasında sərhəddin delimitasiyası üzrə komissiyanın sakin təraitfdə işini davam etdirməsinə imkan verilməsinə" çağırıb.
DİN bəyan edib ki, David-Qareci ərazisində "Gürcüstanla Azərbaycan sərhəddində yerli və azərbaycanlı sərhədçilər arasında kiçik insident baş verib". Lakin vəziyyət vaxtında yoluna qoyulub və hazırda hadisə yerində sakitlikdir. DİN-in məlumatına görə, faktın öyrənilməsinə başlanılıb.
"Biz ictimaiyyəti, vətəndaş qruplarını delimitasiya üzə komissiyanın işini sakit şəraitdə davam etdirməsinə imkan verilməsinə çağırırıq ki, vaxtında razılaşma əldə olunsun", - nazirlikdən bildiriblər.
David-Qarecidə çalışan bələdçinin məlumatına görə, azərbaycanlı sərhədçilərin ikonanı kilsədən icazəsiz çıxarması münaqişəyə səbəb olub. Bu, yerlilərin etirazına səbəb olub. Ancaq onların sözlərinə görə, tezliklə problem həllini tapıb.
Qeyd edək ki, ötən gün Gürcüstan saytlarından biri insidentlə bağlı video yayıb.
Videoda görünür ki, bir qrup aqressiv adam iki azərbaycanlı sərhədçiyə hücum edərək onları təhqir edir, ərazini tərk etmələrini tələb edir.
15 iyul saat 13:30-dək Dövlət Sərhəd Xidməti və Azərbaycan XİN insdenti şərh etməyiblər.
Qeyri-rəsmi mənbələrin məlumatına görə, əslində ikona gürcü din xadimlərinə verilib.
İki ölkənin sərhədləri boyunca 25 km məsafədə yerləşən Keşikçidağ kompleksi atəşkeçiricilər tərəfindən yaradılan süni və təbiyi mağaralardan ibarətdir və daha sonra xristian rahibləri tərəfindən hüceyrələrə təchiz edilmiş, sonra da xristian kilsələri, gözətçilər qurulmuşdur.
Kompleksin bir hissəsi Azərbaycan, digər hissəsi Gürcüstan tərəfinə düşür.
Kiçik bir hissə inzibati sərhəddə yerləşir ki, əvvəllər Azərbaycan SSR və Gürcüstan SSR-ni ayırırdı.
Sovet dövründə bu yerdən hərbi poliqon kimi istifadə edilib və mülki şəxslər üçün bağlı olub.06D-
Siyasət
-
Azərbaycanda növbəti bələdiyyə seçkiləri 29 yanvar 2025-ci ildə keçiriləcək. Bu barədə Mərkəsi Seçki Komissiyasının bugünkü iclasında komissiyanın rəhbəri Məzahir Pənahov bildirib.
-
Azərbaycan prezidentinin sərəncamı ilə Siyavuş Kərimi Milli Konservatoriyanın rektoru vəzifəsindən azad edilib.
-
Noyabrın 26-da Moskvada MDB ölkələri təhlükəsizlik xidmətləri rəhbərlərinin iclasında "Qərbin MDB məkanında sabitliyi pozulmasına yönəlmiş çoxşaxəli səyləri" fonunda MDB ölkələrinin təhlükəsizliyini təmin etmək üçün xüsusi xidmət orqanlarının əməkdaşlığı məsələlərinə baxılıb.
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
Rəy yaz