Bakı/31.03.19/Turan: Şəkidə ət qıtlığı yaranıb. Buna rayondakı qəssabların tətil etməsi səbəb olub. Onlar bütün rayon üzrə ət kəsiminin bir sallaqxanaya yönəldilməsinə etiraz edirlər.
Burada bir kiçikbuynuzlu heyvanın kəsilməsinin qiyməti 10 manata, iribuynuzlu heyvanın kəsilməsi 25-30 manata başa gəlir. Bura baytarın da pulu daxildir. Yəni, xərclər təxminən iki dəfə artırılır. Bundan əlavə, heyvan kəsimi imkanları məhdudlaşdırılıb.
Rayonun tələbatı gün ərzində 100-150 qoyun, 20-30 iribuynuzlu heyvandır. Yeni sallaqxana çox kiçikdir, bu qədər heyvanı kəsməyə imkan yoxdur.
Hakimiyyət qıtlığı ört-basdır etmək üçün martın 29-da Şəkinin kənarında yarmarkada ət satışını təşkil edib. Lakin orada kəl ətindən başqa digər ət növləri yoxdur.
Qəssabların Qida Təhlükəsizliyi Agentliyinin nümayəndələri ilə danışıqları uğursuz olub. Agentlik bəzi qəssabların standartlara cavab verən şəxsi sallaqxanalarda da heyvan kəsməsinə icazə vermir.
Həmçinin bildirilir ki, rayonun kəndlərində də narazılıq baş qaldırıb, çünki sakinləri rayon mərkəzinə həmin sallaqxanaya getməyə məcbur edirlər.
Qəssablar ötən ilin iyulunda da tətil etmişdilər. Lakin o zaman bu, qısamüddətli olmuşdu və məsələ müvəqqəti olaraq həll edilmişdi. -06d--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz